ບານເຕະຊີງຂັນທ່ານເຈົ້າແຂວງຈໍາປາສັກ ເປີດສາກແຂ່ງຂັນວັນສຸກນີ້…!

ການແຂ່ງຂັນບານເຕະຊີງຂັນທ່ານເຈົ້າແຂວງໆຈໍາປາສັກ ປະຈໍາປີ 2020 ຈະເປີກສາກຂຶ້ນໃນວັນສຸກທີ 17 ກໍລະກົດນີ້, ເພື່ອສ້າງຂະບວນການຂໍ່ານັບຮັບຕ້ອນກອງປະຊຸມໃຫຍາສາມັນ ສະໄໝທີ VIII ຂອງອົງຄະນະພັກແຂວງຈໍາປາສັກ.

ສໍາລັບການແຂ່ງຂັນໄດ້ແບ່ງອອກເປັນ 2 ຮຸ່ນຄື:

1.ຮຸ່ນຊ່າວໜຸ່ມຊາຍ ຮຸ່ນທົ່ວໄປປະກອບມີ 8 ຄະນະຄື: ສາຍ A ປະກອບມີ ປກສ ແຂວງ, ທະຫານແຂວງ, ກັນຍະນັງ A.P.FC, ສ່ວນສາຍ B ປະກອບມີ ສະມາຄົມ ຫວຽດ, ບໍລິສັດ ໂຮມຊັນ, ວິທະນາໄລເຕັກນິກ – ວິຊາຊີບ ແລະ ມະຫາວິທະຍາໄລຈໍາປາສັກ.

2.ຮຸ່ນອາຍຸບໍ່ເກີນ 19 ປີປະກອບມີ 8 ທີມຄື: ສາຍ A ເມືອງປາກຊ່ອງ, ຟາຍເດ FC, ນໍາດື່ມ ພູຟ້າ ແລະ ຕາດຟານ, ສ່ວນສາຍ B ຕູ່ ຂົນສົ່ງ, ໄອດີຊີ, ກັນຍະນັງ ເອພີ ເມືອງໂພນທອງ ແລະ ບໍລິສັດ 3S.

ສໍາລັບການແຂ່ງຂັນທັງສອງຮຸ່ນແມ່ນຈະແຂ່ງຂັນພົບກັນໝົດໃນແຕ່ລະກຸ້ມຄັດເອົາທີ 1 ແລະ 2 ຂອງສາຍເຂົ້າໄປຫຼິ້ນໃນຮອບຮອງຊະນະເລີດ.

ສ່ວນການແຂ່ງຂັນຈະເປີດສາກຂຶ້ນໃນວັນສຸກທີ 17 ກໍລະກົດ 2020 ນັດທໍາອິດ ເວລາ 13:30 ໂມງ ເມືອງປາກຊ່ອງ ພົບ ຟາຍເດ FC (ຮຸ່ນອາຍຸບໍ່ເກີນ 19 ປີ) ແລະ ຄູ່ທີ 2 ເວລາ 15:30 ໂມງ ປກສ ແຂວງ ພົບ ທະຫານແຂວງ (ຮຸ່ນທົ່ວໄປ).

ທີ່ມາ:ສະຫະພັນບານເຕະແຫ່ງຊາດລາວ

ຂອບໃຈຮູບຈາກ: F.C.Champasak (ສາມາດຕິດຕາມຄວາມເຄື່ອນໄຫວໄດ້ທີ່ ເພຈ໌ບຸກ: F.C.Champasak)