ແຈ້ງເກີດ..! ພຸດ ຍິງປະຕູທໍາອິດໃນລີກສູງສຸດຂອງລາວ ແລະ ປະຕູທໍາອິດໃຫ້ກັບນ້ອງໃໝ່ແຂວງວຽງຈັນເອັຟຊີ

ເປັນປະສົບການອັນລໍ້າຄ່າ ສໍາລັບ ພຸດ ໄມພອນ ນັກເຕະຈາກແຂວງວຽງຈັນແທ້ ເຊິ່ງເປັນລູກຫຼານຊາວເມືອງກາສີ ແຂວງວຽງຈັນ ທີ່ໄດ້ຮັບໂອກາດລົງແຂ່ງຂັນໃນລີກສູງສຸດຂອງລາວເຮົາ (ລາວລີກ 1) ເປັນຄັ້ງທໍາອິດໃນຊີວິດ ໃຊ້ເວລາພຽງ 25 ນາທີໃນສະໜາມ ກໍສາມາດຍິງປະຕູທໍາອິດໃຫ້ກັບຕົວເອງ ແລະ ປະຕູທໍາອິດໃຫ້ກັບ ວຽງຈັນ ເອັຟຊີ ທີມໜຶ່ງດຽວຈາກຕ່າງແຂວງເຊິ່ງວ່າເປັນສະໂມສອນນ້ອງໃໝ່ໃນ ໃນເປບຊີ ລາວລີກ 1 ລະດູການ 2020 ເມື່ອທ້າຍອາທິດທີ່ຜ່ານມາ.

ວຽງຈັນ ເອັຟຊີ ລົງສະໜາມພົບກັບ ປກສ ເອັຟຊີ ທີມທີ່ມີປະສົບການສູງໃນລີກສູງສຸດຂອງລາວ ໃນວັນທີ 12 ກໍລະກົດ 2020 ທີ່ສະໜາມກິລາແຫ່ງຊາດ ຫຼັກ 16, ແຕ່ເຖີງຢ່າງໃດກໍຕາມ ຜົນປາກົດວ່າຈົບການແຂ່ງຂັນ ປກສ ເອັຟຊີ ເອົາຊະນະໄປ 2-1, ແຕ່ກໍເປັນປະສົບການຄັ້ງໃຫຍ່ຂອງນັກເຕະອະນາຄົດໄກຄົນນີ້.ສໍາລັບ ພຸດ ເຂົ້າສັງກັດກັບສະໂມສອນ ວຽງຈັນ ເອັຟຊີ ໃນປີ 2018 ແລະ ເຂົ້າຮ່ວມແຂ່ງຂັນໃນບານເຕະສາຍ ກ ກັບ ວຽງຈັນ ເອັຟຊີ ໃນະລດູການທີ່ຜ່ານມາ ເປັນລູກຫຼານຊາວເມືອງກາສີ ແຂວງວຽງຈັນແທ້ໆ ຖືວ່າເປັນໃບໜ້າໃບໜ້າຂອງແຂວງເລີຍກໍໄດ້ວ່າ.

ທີ່ມາ: Sport Updaye

ຂອບໃຈຮູບຈາກ: lao premier league