ທຣຳ ປະກາດຖອນສະຫະລັດອອກຈາກ ອົງການອະນາໄມໂລກອີກແລ້ວ !
ປະທານາທິບໍດີ ທຣຳ ໄດ້ປະກາດຢ່າງເປັນທາງການ ຖອນສະຫະລັດອອກຈາກ ອົງການອະນາໄມໂລກ(WHO) ແລ້ວ, ຕັດສາຍພົວພັນທັງໝົດ ແລະ ຍັງຂູ່ວ່າ ຈະຕັດການອູດໜູນດ້ານການເງິນໃຫ້ແກ່ ອົງການດັ່ງກ່າວ.
ໂຄສົກກະຊວງການຕ່າງປະເທດຂອງສະຫະລັດ ໃຫ້ຮູ້ໃນວັນທີ 7 ກໍລະກົດນີ້ວ່າ: ພາຍຫຼັງຂູ່ວ່າຈະຕັດງົບອູດໜູນປົກກະຕິ 400 ລ້ານໂດລາໃນແຕ່ລະປີໃຫ້ແກ່ອົງການອະນາໄມໂລກແລ້ວ, ລັດຖະບານຂອງ ທຣຳ ຍັງປະກາດວ່າຈະຖອນຕົວອອກຈາກອົງການຈັດຕັ້ງດັ່ງກ່າວ. ວັນທີ 6 ກໍລະກົດນີ້, ອຳນາດການປົກຄອງຂອງ ທຣຳ ໄດ້ຍື່ນໃບສະເໜີລາອອກຢ່າງເປັນທາງການຕໍ່ທ່ານ ເລຂາທິການໃຫ່ຍ ອົງການສະຫະປະຊາຊາດ Antonio Guterres ເປັນທີ່ຮຽບຮ້ອຍແລ້ວ.
ຜູ້ອຳນວຍການໃຫ່ຍຂອງອົງການອະນາໄມໂລກTedros Adhanom Ghebreyesus ພຽງແຕ່ໄດ້ສະແດງທ່າອອກໃນຂໍ້ຄວາມໃນທະວິດເຕີວ່າ: “Together!” (ຈົ່ງພ້ອມກັນ).
ທ່ານ ໄບເດັນ ຄູ່ແຂ່ງຊີງໄຊໃນການເລືອກຕັ້ງປະທານາທິບໍດີສະຫະລັດ ໄດ້ຕອບຮັບທັນທີວ່າ: ເຂົາພ້ອມແລ້ວ ທີ່ຈະຍັງຮັກສາໃຫ້ສະຫະລັດເປັນສະມາຊິກຂອງອົງການອະນາໄມໂລກຕໍ່ໄປ ຖ້າເຂົາຫາກໄດ້ຮັບໄຊຊະນະ.
ລັດຖະບານ ທຣຳ ໄດ້ຕຳນິວິຈານອົງການອະນາໄມໂລກຫຼາຍເທື່ອຫຼາຍທີແລ້ວວ່າ ອົງການດັ່ງກ່າວບໍ່ສົນໃຈກັບບັນຫາໂຄວິກ-19 ແຕ່ຫົວທີທີ່ລະບາດຂຶ້ນຢູ່ທີ່ຈີນ.
ຂ່າວ: ລູກເມືອງພວນ(ແຫຼ່ງຂ່າວ tuoitre )
