ບາດແຜລະຫວ່າງສະຫະລັດ ແລະ ສະຫະພາບເອີຣົບ ນັບມື້ກ້ວາງອອກ

ພັນທະມິດຂອງສະຫະລັດທີ່ເປັນເສົາຄໍ້າອັນແໜ້ນແກ່ນໃຫ້ແກ່ ເອີຣົບ ເປັນໄລຍະ 70 ປີຜ່ານມາ ແຕ່ເມື່ອມາເຖິງຍຸກຂອງ ທຣຳ ກໍເລີ່ມຄອນແຄນລົງ.

ໃນໄລຍະ 7 ທົດສະຫວັດທີ່ຜ່ານມາ, ຄວາມສຳພັນຂ້າມນໍ້າຜ່ານທະເລລະຫວ່າງສະຫະລັດ ແລະ ເອີຣົບ ບໍ່ມີຫຍັງຈະສັ່ນຄອນໄດ້ ແຕ່ມາເຖິງປີ 2020 ນີ້, ຄວາມສຳພັນດັ່ງກ່າວ ຕ້ອງໄດ້ເບິ່ງຄືນຂອງທັງສອງຝ່າຍ.

ໃນຕົ້ນສັບປະດາກ່ອນໜ້ານີ້, ສະຫະພາບເອີຣົບ ປະຕິເສດຈະເຂົ້າຢູ່ໃນບັນຊີລາຍຊື່ “ປະເທດທີ່ມີຄວາມປອດໄພ” ຈາກໂຄວິດ-19, ໝາຍຄວາມວ່າ ສະຫະພາບເອີຣົບຈະບໍ່ຍອມຮັບເອົາຜູ້ຄົນທີ່ມາຈາກສະຫະລັດ ອາເມລິກາເຂົ້າມາໃນເອີຣົບ ເພາະ ໂຄວິດລະບາດແຮງຢູ່ໃນສະຫະລັດ ແລະ ເປັນທີ່ໜຶ່ງຂອງໂລກຂອງຜູ້ຕິດເຊື້ອ ແລະ ຜູ້ເສຍຊີວິດ.

ບັນດານັກສັງເກດການ ລ້ວນແຕ່ໃຫ້ຄຳເຫັນໄປໃນທິດທາງດຽວກັນວ່າ ຄວາມສຳພັນລະຫວ່າງສະຫະລັດ ແລະ ເອີຣົບ ໄດ້ຜ່ານໄລຍະທາງທີ່ເຄັ່ງຕຶງຕະຫຼອດ 4 ປີທີ່ຜ່ານມາ. ແລະ ຍັງຈະສືບຕໍ່ແຕກແຍກຕື່ມອີກ ຖ້າ ທຣຳ ຫາກຍັງໄດ້ເປັນປະທານາທິບໍດີຕໍ່ໄປໃນທ້າຍປີນີ້.

Velina Tchakarova, ຊ່ຽວຊານຈາກສະຖາບັນນະໂຍບາຍຄວາມໝັ້ນຄົງຂອງເອີຣົບກ່າວວ່າ: “ສະຫະພາບເອີຣົບ ກຳລັງສ້າງບາດກ້າວເດີນໃນຄວາມເປັນເຈົ້າຕົນເອງດ້ານຄວາມໝັ້ນຄົງເທື່ອລະກ້າວ” ແຕ່ ທຣຳ ຊໍ້າພັດຊອກຫາທຸກວິທີທາງ ເຮັດໃຫ້ຄວາມພະຍາຍາມດັ່ງກ່າວອ່ອນເພຍລົງ ດ້ວຍວິທີການໂຈມຕີບັນດາປະເທດສະມາຊິກຂອງສະຫະພາບເອີຣົບ ຫຼື ກູ່ມ ນາໂຕ, ຍິ່ງໄປກວ່ານັ້ນຍັງໄດ້ຜ່ານຮ່າງລະບຽບການທາງດ້ານການຄ້າ ແລະ ເສດຖະກິດຕໍ່ກັບບັນດາສະມາຊິກຂອງສະຫະພາບເອີຣົບຕື່ມອີກ.

ບັນດາເຈົ້າໜ້າທີ່ຂອງ ວໍຊິງຕັນຍັງມີຄວາມຫວັງຢາກເຮັດວຽກຮ່ວມກັບ ເອີຣົບ ແຕ່ບໍ່ໄດ້ຮັບການມອບໝາຍ ແລະ ສະໜັບສະໜູນຈາກລັດຖະບານສະຫະລັດ. ເຮັດໃຫ້ບາດແຜນັບມື້ກວ້າງອອກ.

ຂ່າວ: ລູກເມືອງພວນ(ແຫຼ່ງຂ່າວ vnexpress)