ຄານເຍ ປະກາດລົງສະຫມັກເລືອກຕັ້ງປະທານາທິບໍດີອາເມລິກາ 2020

ສ້າງຄວາມໂດ່ງດັງໃນວົງກ້ວາງ ແລະ ເກີດເປັນກະແສຢ່າງວ່ອງໄວ ທັນທີທີ່ທ່ານ ຄານເຍ ເວສ ສິລະປິນຊາວອາເມລິກາ ອາຍຸ 43 ປີ ໄດ້ປະກາດຜ່ານ Twitter ສ່ວນຕົວວ່າ: ທ່ານວາງແຜນຈະລົງສະຫມັກເລືອກຕັ້ງທ້າຊີງຕຳແຫນ່ງປະທານາທິບໍດີອາເມລິກາ ໃນປີ 2020 ນີ້.
ພາຍຫລັງສິລະປິນຊື່ດັງເຈົ້າຂອງຍີ່ຫໍ້ Yeezy ໄດ້ໂພສຂໍ້ຄວາມດັ່ງກ່າວອອກໄປ ຊື່ຂອງລາວກໍຕິດເທຣນທະວິດເຕີອັນດັບຫນຶ່ງຂອງໂລກທັນທີ ແລະ ເຖິງວ່າຈະຍັງບໍ່ມໍໃຜຮູ້ແນ່ນອນວ່າຂໍ້ຄວາມທີ່ລາວໂພສອອກໄປໃນຄັ້ງນີ້ມີຄວາມຈິງພຽງໃດ ຫລື ເປັນພຽງໂຄງການໂຄສະນາຕົນເອງ ຫລື ຜະລິດຕະພັນບາງຢ່າງ, ແຕ່ເບິ່ງຄືວ່າຈະໄດ້ຮັຍຄວາມສົນໃຈຢ່າງຫລວງຫລາຍ.
ທັ້ງນີ້ Bloonberg ຕັ້ງຂໍ້ສັງເກດວ່າ: ຖ້າ ເວສ ຈິງຈັງໃນການລົງສະຫມັກເລືອກຕັ້ງປະທານາທິບໍດີອາເມລິກາ ທ່ານຈະຕ້ອງຜ່ານຂະບວນການ ແລະ ຂັ້ນຕອນຕ່າງໆຕາມລະບຽບກົດເກນ ໂດຍຈະຕ້ອງເລີ່ມແຕ່ການກຽມຫາສຽງໃນເດືອນນີ້ (ກໍລະກົດ) ແລະ ປາສະຈາກພັກການເມືອງໃຫຍ່ສະຫນັບສະຫນູນ.