ຄວາມສຸກຈາກການພໍໃຈ ແລະ ຄິດເຖິງສິ່ງທີ່ເຮົາມີຢູ່
– ຄົນເຮົາມັກບໍ່ຄ່ອຍຄິດເຖິງສິ່ງທີ່ຕົນມີຢູ່, ແຕ່ມັກຈະຄິດເຖິງສິ່ງທີ່ຕົນບໍ່ມີ, ເຮົາເກືອບຈະບໍ່ຄິດເລີຍວ່າເຮົາມີຫຍັງແດ່, ແຕ່ເຮົາ ຄິດພຽງວ່າເຮົາຂາດຫຍັງໄປແດ່ເທົ່ານັ້ນ.
– ຈົ່ງມີຄວາມສຸກ ແລະ ພໍໃຈກັບສິ່ງທີ່ທ່ານມີ ເພາະໃນຂະນະທີ່ຄົນໂງ່ຈະເພີ້ຝັນໄຝ່ຫາບໍ່ຮູ້ຈັກຈົບ.
– ການສ້າງນິໄສໃຫ້ເກີດມີຄວາມຄິດຊອກຫາແຕ່ດ້ານດີໃນທຸກສະຖານະການເປັນສິ່ງທີ່ມີຄ່າຫລາຍກ່ວາໄດ້ຮັບເງິນເປັນລ້ານໆໃນໜຶ່ງປີ.
– ຊີວິດນີ້ບໍ່ແມ່ນຢູ່ໄດ້ຍ້ອນຄົນອື່ນ, ທີ່ຢືນຢູ່ໄດ້ບໍ່ແມ່ນຍ້ອນຂາຂອງຄົນອື່ນ, ຈະສຸກແດ່ເສົ້າແດ່ກໍໃຈເຮົາ, ລົ້ມແລ້ວລຸກ ເອົາມືປັດຫົວເຂົ່າກໍແມ່ນໂຕເຮົາເອງ.
– ບັນຫາທຸກຢ່າງທີ່ເກີດຂຶ້ນກັບເຮົາ ມັນຈົບລົງໄປແລ້ວນັບແຕ່ມັນເກີດ, ແຕ່ບາງເທື່ອເຮົາກໍເກັບໄວ້ຂ້າມມື້ຂ້າມຄືນ ຍ້ອນເຮົາເກັບບັນຫາໄວ້ໃນໃຈ ບໍ່ຍອມປ່ອຍວາງ.
– ການມີຄວາມສຸກຂອງຄົນຜູ້ໜຶ່ງບໍ່ໄດ້ໝາຍຄວາມວ່າເຂົານັ້ນຈະຕ້ອງມີວັດຖຸສິ່ງຂອງຫລາຍກ່ວາຄົນອື່ນໆ ແຕ່ເປັນຍ້ອນເຂົາພໍໃຈກັບສິ່ງທີ່ເຂົາມີຢູ່ຕໍ່ໜ້າ.
– ຫາກຢາກມີຄວາມສຸກ ແລະ ບໍ່ທຸກຮ້ອນໃຈນຳຄວາມຢາກທີ່ມັນຫລາຍຈົນເກີນໄປ ຫລື ຫລາຍຈົນເກີນຄວາມຈຳເປັນ ທັງຄວາມຢາກໄດ້, ຢາກມີ, ຢາກເປັນ. ສະນັ້ນຈົ່ງຫັນມາພໍໃຈໃນສິ່ງທີ່ເຮົາມີຢູ່ ແລະ ຈົ່ງຄິິດເຖິງສິ່ງນັ້ນໃຫ້ຫລາຍໆ ແລ້ວເຮົາກໍຈະມີຄວາມສຸກຂຶ້ນ, ຊີວິດເບົາຂຶ້ນ ຍ້ອນບໍ່ຕ້ອງແລ່ນນຳຄວາມຢາກຈົນອິດເມື່ອຍ.
