DJI ເປີດຕົວ Spark ກ້ອງຖ່າຍເທິງອາກາດຂະໜາດນ້ອຍ ສັ່ງດ້ວຍມື ບໍ່ຕ້ອງອາໄສລີໂມດ
ເປີດຕົວກ້ອງຖ່າຍເທິງອາກາດແບບໃຫມ່ຂອງ DJI ເຊິ່ງກ້ອງຖ່າຍເທິງອາກາດແບບໃຫມ່ທີ່ທາງ DJI ໄດ້ນໍາມາໃຫ້ຮູ້ຈັກ ບໍ່ແມ່ນກ້ອງຖ່າຍທີ່ໃຊ້ງານຈິງຈັງເຊັ່ນ: Inspire 2, Phantom 4 Pro ຫຼື ລຸ້ນ Mavic Pro ແຕ່ເປັນລຸ້ນທີ່ນ້ອຍກວ່າ ມີຊື່ສຽງຮຽງນາມວ່າ Spark ໃຊ້ງານໄດ້ງ່າຍ ເໝາະກັບທຸກໆຄົນທີ່ສົນໃຈຢາກໄດ້.
ຈຸດເດັ່ນທີ່ໜ້າສົນໃຈຂອງ Spark ນອກຈາກຂະໜາດທີ່ນ້ອຍ ແລະໃຊ້ງານງ່າຍແລ້ວ ຍັງມີເລື່ອງການຄວບຄຸມສັ່ງການດ້ວຍມື ທີ່ເອີ້ນວ່າ Gesture mode ໂດຍບໍ່ຕ້ອງອາໄສລີ່ໂມດເຊັ່ນ: ການຍົກຝາມືຂຶ້ນມາ ບັງຂັບໃຫ້ກ້ອງຖ່າຍບິນໄປໃນທິດທາງຕ່າງໆ ໂບກມືເພື່ອສັ່ງໃຫ້ກ້ອງຖ່າຍບິນອອກໄປພ້ອມຖ່າຍພາບ ເຮັດມືເປັນກອບຮູບເພື່ອສັ່ງໃຫ້ຖ່າຍຮູບ ຫຼື ປັດມືລົງພຽງ 2 ຂ້າງ ເພື່ອສັ່ງໃຫ້ກ້ອງບິນກັບມາຢູ່ມື.
ສໍາລັບ Spark ເປັນກ້ອງຖ່າຍທີ່ມີນໍ້າໜັກພຽງ 300 ກຣາມ ແຕ່ມາພ້ອມກັບເຊັນເຊີກ້ອງ CMOS ຂະໜາດ ½.3 ນີ້ວ ຮອງຮັບການຖ່າຍວິດີໂອ 1080 P ແລະ ພາບນິ່ງຄວາມລະອຽດ 12 ລ້ານພິກເຊວ ແລະ ມໍເຕີແບບກິມບອລແບບສອງແກນ (2-axis) ມີໃຫ້ເລືອກ 5 ສີຄື: ສີແດງ, ສີຟ້າ, ສີຂຽວ, ສີຂາວ ແລະ ສີເຫຼືອງ.
ໂດຍ DJI Spark ເລີ່ມຈໍາໜ່າຍໃນປະເທດໄທແຕ່ວັນທີ 15 ມິຖຸນາ 2017 ຜ່ານຕົວແທນຈໍາໜ່າຍຢ່າງເປັນທາງການທົ່ວປະເທດ ສ່ວນລາຄາຂອງ DJI Spark ຊຸດມານຕະຖານຈະຢູ່ທີ່ 20 ພັນບາດ (ກ້ອງ, ແບັດເຕີຣີ່, ອຸປະກອນສາກ, ໃບພັດ 3 ຄູ່) ແລະ ຊຸດຄອມໂບ Spark Fly More Combo ລາຄາ 28 ພັນບາດ ໂດຍເພີ່ມແບັດເຕີຣີສໍາຮອງ, ລີໂມດຄວບຄຸມ, ຕົວປ້ອງກັນໃບພັດ, ກະເປົ່າພາຍ, ໃບພັດສໍາຮອງ 4 ຄູ່ ແລະອຸປະກອນເຊື່ອມຕໍ່ຕ່າງໆ.
