ນໍາສະເໜີນະວັດຕະກໍາໃຫມ່ HUAWEI P10 ແລະ P10 Plus ລາວໂທລະຄົມ ແລະອິອອນ
ໃນໄລຍະ 2 ເດືອນທີ່ຜ່ານມາ, ບໍລິສັດຫົວເຫວີຍ ເທັກໂນໂລຢີລາວ ໄດ້ເປີດໂຕມືຖື HUAWEI P10 ແລະ P10 Plus ພ້ອມກັບໂປຣໂມຊັນແພັກເກັດສຸດພິເສດ ຈາກລາວໂທລະຄົມ ແລະກໍໄດ້ຕອບຮັບເປັນຢ່າງດີຂອງສັງຄົມ, ນັບທັຄາມນິຍົມ ແລະສື່ສຽງຂອງຜະລິດຕະພັນ ແລະບອດການສັ່ງຊື້ກໍເພີ່ມທະວີຂຶ້ນ ແລະມື້ນີ້ວັນທີ 17 ມິຖຸນາ ຫົວເຫວີຍໄດ້ນໍາສະເໜີ HUAWEI P10 Plus ສີຂຽວ (Greenery) ຊຶ່ງເປັນສີສັນຂອງປີ 2017 ພ້ອມກັບໂປຼໂມຊັນໃຫມ່ໆ ທີ່ຮ່ວມມືກັບບໍລິສັດ ລາວໂທລະຄົມ ແລະອິອອນ. ທີ່ສູກການຄ້າວຽງຈັນເຊັນເຕີ.
ທ່ານ ນາງ ຊັດຊະນີ ສຸມາເນດ ຮອງຜູ້ອໍານວຍການຝ່າຍອຸປະກອບສື່ສານຫົວເຫວີຍລາວ ໃຫ້ຮູ້ວ່າ: P10 Plus ສີຂຽວ ສີແຫ່ງປີ 2017 ຊຶ່ງບໍລິສັດຫົວເຫວີຍ ໄດ້ຮ່ວມມືກັບສະຖາບັນແຫ່ງສີ Pantone ຜູ້ຊ່ຽວຊານກ່ຽວກັບສີລະດັບໂລກ ເພື່ອນໍາມາພັດທະນາຂອງໂທລະສັບມືຖືສີສັນໃຫມ່ໆ ທີ່ບໍ່ເຄີຍມີມາກ່ອນ ນັ້ນກໍຄື: ສີຂຽວ (Greenery) ທີ່ມີການອອກແບບໃຫ້ຄວາມຫຼູຫຼາ ແລະພາໃຫ້ເກີດຄວາແວວວາວ ແລະເປັນສີທີ່ບໍ່ຄ່ອຍເຫັນມາກ່ອນ. ນອກນີ້ ກໍຍັງມີຫຼາຍສີສັນໃຫ້ເລືອກເຊັ່ນ: Greenery, Dazzling Blue, Dazzling Gold, Preatige Gold, Graphite Black.
ແລະເປັນຄັ້ງທໍາອິດໃນປະເທດລາວທີ່ມີການຮ່ວມມືກັນຂອງ 3 ບໍລິສັດຄື: ຫົວເຫວີຍ, ລາວໂທລະຄົມ ແລະອິອອນຄື: ແພັກເກັດຈ່າຍພຽງ 0 ກີບ ຮັບເຄື່ອງໄປເລີຍ ສໍາລັບລູກຄ້າພິເສດຂອງ ລາວໂທລະຄົມ ໃນໄລຍະ 12 ເດືອນ, ແພັກເກັດພຽງເດືອນລະ 792.000 ກີບ/, ໄດ້ຮັບອິນເຕີເນັດດາຕ້າ 15.000 MB ແລະໂທທຸກເຄື່ອຂ່າຍ 240 ນາທີ/ເດືອນ. ຫຼຸດລາຄາເຄື່ອງ 50% ຈ່າຍພຽງເຄິ່ງໜຶ່ງກໍສາມາດຮັບໂທລະສັບໄປເລີຍຄື: P10 Plus ລາຄາປົກກະຕິ 5,6 ລ້ານກີບ ເຫຼືອພຽງ 2,8 ລ້ານກີບ ຈ່າຍຄ່າແພັກເກັດເດືອນລະ 395.000 ກີບ/, ໄດ້ຮັບອິນເຕີເນັດດາຕ້າ 6000 MB ແລະໂທທຸກເຄືອຂ່າຍ 200 ນາທີ/ເດືອນ. ນອກນີ້ HUAWEI P10 ແລະ P10 Plus ສີຂຽວ(Greenery) ຍັງມາພ້ອມກັບ ໂປຼໂມຊັນຂອງແຖມມູນຄ່າໂທຫຼາຍກວ່າ 3 ແສນກີບເຊັ່ນ: ແພັກເກັດໂທຟຣີ ແລະຫຼິ້ນອິນເຕີເນັດ ຈາກລາວໂທລະຄົມ, ຫົວເຫວີຍກີຟບ໊ອກ ແລະຍັງມີລໍາໂພງບູທູດ ມູນຄ່າ 8 ແສນກີບ. ພ້ອມຈະອໍານວຍຄວາມສະດວກການບໍລິການຫຼັງການຂາຍທີ່ດີທີ່ສຸດໃຫ້ແກ່ລູກຄ້າ HUAWEI P10 ແລະ P10+ ເຊັ່ນ: ຮັບປະກັນໜ້າຈໍ 3 ເດືອນ, ໄປຮັບເຄື່ອງຢູ່ບ້ານມາສ້ອມແປງ (ສະພາະນະຄອນຫຼວງວຽງຈັນ), ສ້ອມແປງໄວພາຍໃນ 2 ຊົ່ວໂມງ ແລະຊະລັກຊື່.
ເພື່ອເປັນການຢັ້ງຢືນວ່າ HUAWEI P10 ແລະ P10 Plus ເປັນມືຖືສຸດຍອດແຫ່ງການຖ່າຍຮູບ. ແລະໄດ້ມີກິດຈະກໍາອີກ ເຊັ່ນ: ຈະມີຊ່າງພາບມືອາຊີບ ໃນປະເທດລາວ ຈະມາແນະນໍາ ແລະສອນເທັກນິກການຖ່າຍພາບດ້ວຍ HUAWEI P10 ແລະP10 Plus ນໍາອີກ. ນອກນີ້ ກໍມີການແຂ່ງຂັນຊີງເງິນລາງວັນ 10 ລ້ານ ກີບ ແລະຜູ້ເຂົ້າແຂ່ງຂັນຈະໄດ້ເຂົ້າຮ່ວມ Workshop ກັບຫົວໜ້າທີມ ເພື່ອຮຽນຮູ້ ປະສົບການໃຫມ່ໆໃຫ້ ຜູ້ຊົມໃຊ້ HUAWEI P10 ແລະP10+ ອີກດ້ວຍ.
