ແພດທະຫານ ອາຊຽນຝຶກຊ້ອມຕ້ານພະຍາດໂຄວິດ-19

ເຂົ້າຮ່ວມການຝຶກຊ້ອມຄັ້ງນີ້ ມີຜູ້ຕາງໜ້າແພດທະຫານຂອງບັນດາປະເທດອາຊຽນ ແລະ ຈີນ, ອິນເດຍ, ຍີ່ປຸ່ນ, ສະຫະລັດ, ອສຕາລີ, ລັດເຊຍ, ເກົາຫຼີໄຕ້, ຜູ້ຕາງໜ້າຂອງອົງການອະນາໄມໂລກ ແລະ ຕາງໜ້າແພດທະຫານ ປະເທດອື່ນໆອີກຈຳນວນເຂົ້າຮ່ວມ.

ມີຄຳເຫັນເປີດສາກບັ້ນຝຶກອົບຮົມຄັ້ງນີ້, ທ່ານ ພົນໂທ ຫງວຽນຈິວິງ  ຕາງໜ້າໃຫ້ກະຊວງປ້ອງກັນປະເທດຫວຽດນາມ ໄດ້ສະແດງຄວາມຂອບໃຈຕໍ່ບັນດາກະຊວງປ້ອງກັນປະເທດ ຂອງບັນດາປະເທດຕ່າງໆທີ່ເຂົ້າຮ່ວມບັ້ນຝຶກອົບຮົມໃນຄັ້ງນີ້ ແລະ ໄດ້ໃຫ້ການຊວຍເຫຼືອຫວຽດນາມໃນການຕ້ານພະຍາດໂຄວິດ-19 ໃນໄລຍະຜ່ານມາ.

“ການຝຶກຊ້ອມຂອງແພດທະຫານຕ້ານໂຄວິດ-19 ຄັ້ງນີ້ ເມື່ອເບິ່ງໃຫ້ກ້ວາງໄກແລ້ວ ມັນແມ່ນການປະສານສົມທົບຂອງບັນດາກະຊວງປ້ອງກັນປະເທດຂອງບັນດາປະເທດໃນອາຊຽນເພື່ອຕ້ານພະຍາດ, ຕ້ານກັບສິ່ງທ້າທາຍທາງດ້ານຄວາມໝັ້ນຄົງ”. ນີ້ແມ່ນການຢືນຢັນຂອງທ່ານນາຍພົນ ຫງວຽນຈິວິງ ແລະ ທ່ານກ່າວອີກວ່າ: ການຝຶກຊ້ອມໃນຄັ້ງນີ້ຈະນຳເອົາຜົນປະໂຫຍດບໍ່ສະເພາະແຕ່ໃຫ້ບັນດາປະເທດອາຊຽນ ແຕ່ຫາກຍັງມີປະໂຫຍດຕໍ່ກັບຈີນ, ອິນເດຍ, ຍີ່ປຸ່ນ, ສະຫະລັດ, ອົສຕາລີ, ເກົາຫຼີໄຕ້ ແລະ ປະເທດອື່ນໆອີກດ້ວຍ.

ຂ່າວ: ລູກເມືອງພວນ