ທ່ານ ວະລາດີເມຍ ປູຕີນ ອາດຈະລົງຊີງ ຕຳແໜ່ງ ປະທານາທິບໍດີ ອີກຄັ້ງ

ຕອບສຳພາດ ໂທລະພາບຢູ່ທາງພາກຕາເວັນອອກໄກຂອງລັດເຊຍ, ປະທານາທິບໍດີ ວະລາດີເມຍ ປູຕີນ ໃຫ້ຮູ້ວ່າ: ຕົນເອງບໍ່ປະຕິເສດທີ່ວ່າຈະບໍ່ລົງຊີງຕຳແໜ່ງປະທານາທິບໍດີອີກຄັ້ງ ຖ້າລັດຖະທຳມະນູນຫາກອະນຸຍາດ, ທ່ານກ່າວໃຫ້ຮູ້ອີກວ່າ: ມາເຖິງປັດຈຸບັນຕົນເອງຍັງບໍ່ທັນໄດ້ຕັດສິນໃຈໃດໆ.

ລັດເຊຍຈະຈັດຕັ້ງການທາບທາມຢັ່ງຫາງສຽງກ່ຽວກັບການປັບປຸງລັດຖະທຳມະນູນແຕ່ວັນທີ 25 ມີຖຸນາ ຫາ ວັນທີ 1 ກໍລະກົດນີ້, ໃນນັ້ນມີທັງການປັບປຸງປ່ຽນແປງ ອະນຸຍາດໃຫ້ປະທານາທິບໍດີ ປູຕີນ ສາມາດດຳລົງຕຳແໜ່ງໄດ້ອີກ 6 ປີ ຕໍ່ຈາກສະໄໝປັດຈຸບັນຊຶ່ງຈະສິ້ນສຸດລົງໃນປີ 2024.

ວັງ ຄແຣມລີ ໃຫ້ຮູ້ວ່າ: ການປ່ຽນແປງລັດຖະທຳມະນູນຄັ້ງນີ້ ແມ່ນມີຄວາມຈຳເປັນທີ່ຈະເພີ່ມພາລະບົດບາດຂອງສະພາ ແລະ ທັງເປັນການປັບປຸງນະໂຍບາຍທາງສັງຄົມ ແລະ ການບໍລິຫານຂອງລັດຖະບານ.

ຂ່າວ: ລູກເມືອງພວນ( ແຫຼ່ງຂ່າວ VOA.VN)