ສານສະຫະລັດ ສະກັດກັ້ນຄວາມພະຍາຍາມຂອງ ທຣຳ

ວັນທີ 18 ມີຖຸນານີ້, ສານຂອງສະຫະລັດໄດ້ອອກມະຕິສະກັດກັ້ນຄວາມພະຍາຍາມຂອງ ທຣຳ ໃນການຍົກເລີກໂຄງການ DACA.

DACA ເປັນຊື່ຫຍໍ້ຂອງ ໂຄງການປະຕິບັດງານຢຸດຕິການຂັບໄລ່ຄົນເຂົ້າສະຫະລັດຜິດກົດໝາຍ ນັບແຕ່ມື້ຍັງນ້ອຍໆ. ຮຸ້ນຄົນເຂົ້າສະຫະລັດໃນຍຸກນັ້ນຮຽກວ່າ Dreamers(ອາດແປວ່າ ຜູ້ສ້າງຝັນ). DACA ຖືກຮັບຮອງຈາກປະທານາທິບໍດີ Barack Obama ແຕ່ປີ 2012.

ມາເຖິງຍຸກຂອງ ທຣຳ, ທຣຳ ປະກາດໃຫ້ຢຸດຕິການນຳໃຊ້ນະໂຍບາຍດັ່ງກ່າວໃນປີ 2017 ແຕ່ມັນກໍຍັງມີຜົນສັກສິດຈາກການຕົກລົງຂອງສານຢູ່.

ສຳນັກຂ່າວ Reuters ໃຫ້ຮູ້ວ່າ ມີຜູ້ພິພາກສາ 5 ຄົນໃນສານສູງຂອງສະຫະລັດສະໜັບສະໜູນການຕົກລົງກ່ອນໜ້ານັ້ນຂອງສານຂັ້ນຕົ້ນ ແລະ ໃຫ້ຄຳເຫັນວ່າ: ປະທານາທິບໍດີ ຄົນປັດຈຸບັນໄດ້ຍົກເລີກໂຄງການ DACA ໃນປີ 2017 ໂດຍບໍ່ສອດຄ່ອງກັບກົດໝາຍ.

ການຕັດສິນໃຈຂອງສານ ກໍເທົ່າກັບວ່າເຫັນດີໃຫ້ປະມານ 649.000 ຄົນເຂົ້າມາດຳລົງຊີວິດຢູ່ໃນສະຫະລັດໄດ້ ແລະ ສ່ວນຫຼາຍແມ່ນກຳເນີດຢູ່ທີ່ Mexico ແລະ ບັນດາປະເທດໃນອາເມລິກາລາຕິນ.

ເຖິງແມ່ນວ່າການຕັດສິນໃຈຂອງສານຈະບໍ່ສາມາດສະກັດກັ້ນ ທຣຳ ໄດ້ກໍຕາມ ແຕ່ອຳນາດການປົກຄອງຈະບໍ່ສາມາດລຶບລ້າງໂຄງການ DACA ໄດ້ກ່ອນວັນທີ 3 ເດືອນພະຈິກທີ່ຈະມາເຖິງນີ້  ຊຶ່ງເປັນໄລຍະ ທຣຳ ກຳລັງຫາສຽງຊີງຕຳແໜ່ງປະທານາທິບໍດີສະໄໝທີສອງຂອງເຂົາ.

ຂ່າວ: ລູກເມືອງພວນ(ແຫຼ່ງຂ່າວ vietnamnet)