ຕາຍຍ້ອນຫຼີ້ນໂທລະສັບທີ່ກຳລັງສາກໄຟຢູ່

ວັນທີ 16 ມີຖຸນານີ້ຢູ່ທີ່ ແຂວງ ຮວາບິ່ງ ຂອງຫວຽດນາມ, ມີຊາຍໜຸ່ມຄົນໜຶ່ງຫຼີ້ນໂທລະສັບທີ່ກຳລັງສາກໄຟຢູ່ ໄດ້ລະເບີດຂຶ້ນເຮັດໃຫ້ຜູ້ກ່ຽວເສຍຊີວິດຄາທີ່.
ຊາຍໜຸ່ມຄົນດັ່ງກ່າວເກີດເມື່ອປີ 1993 ທີ່ຕາແສງກີມໂບຍ, ເມືອງກີມໂບຍ ແຂວງ ຮວາບິ່ງ ໄດ້ເສຍຊີວິດຢູ່ທີ່ເຮືອນຂອງຜູ້ກ່ຽວເອງໃນຂະນະທີ່ຜູ້ກ່ຽວຫຼີ້ນໂທລະສັບທີ່ກຳລັງສາກໄຟຢູ່ ແລະ ສຽບຟັງຫູ ໄດ້ລະເບີດຂຶ້ນ ກະແທກກັບໜ້າເອິກ ເຮັດໃຫ້ຜູ້ກ່ຽວຕາຍຄາທີ່.
ເຫດການແບບນີ້ ບໍ່ແມ່ນເທື່ອທຳອິດທີ່ເກີດຂຶ້ນ ແຕ່ຫາກມີຫຼາຍກໍລະນີມາແລ້ວ. ການເສຍຊີວິດຂອງຊາຍຄົນນີ້ ຍ້ອນຜູ້ກ່ຽວມີຄວາມຊິນເຄີຍເຮັດແບບນີ້ເປັນປະຈຳ.