ເມືອງນາຊາຍທອງ ເລັ່ງເກັບມ້ຽນສາຍໄຟທີ່ຕັດລົງຈາກການປ່ຽນຖ່າຍໃຫ້ສຳເລັດທ້າຍເດືອນນີ້

ກ່ອນໜ້ານີ້ ປະຊາຊົນເຂດເມືອງນາຊາຍທອງ ນະຄອນຫລວງວຽງຈັນ ໄດ້ສ່ອງແສງມາວ່າ ພາກສ່ວນປ່ຍນຖ່າຍສາຍໄຟ, ສາຍເຄເບິນ ໄດ້ຕັດສາຍໄຟລັງຢັງຢ້າຍໄວ້ຕາມແລວສາຍໄຟ ເຊິ່ງສ້າງການກີດຂວາງແກ່ການສັນຈອນເຂົ້າອອກຕາມຮ່ອມ, ໜ້າເຮືອນ ແລະໜ້າຮ້ານຂາຍເຄື່ອງ ເຊິ່ງອາດເປັນກໍ່ໃຫ້ເກີດອຸປະຕິເຫດກໍເປັນໄດ້.

ຕໍ່ບັນຫາດັ່ງກ່າວນີ້ ເຈົ້າໜ້າທີ່ຮັບຜິດຊອບໂຄງການດັ່ງກ່າວໄດ້ໃຫ້ສຳພາດຕໍ່ໜັງສືພິມລາວພັດທະນາ ເມື່ອທ້າຍອາທິດຜ່ານມານີ້ວ່າ: ໂຄງການປ່ຽນຖ່າຍສາຍໄຟ ແມ່ນມີສາຍໄຟຂອອງຫລາຍບໍລິສັດທີ່ປ່ຽນຖ່າຍ ໂດຍສະເພາະປະເພດ: ສາຍໄຟຄາບທອງແດງ, ສາຍອັອບຕິກສາຍໃຍແກ້ວນຳແສງ ແລະສາຍເຄເບິນ ໂດຍໂຄງການແມ່ນແຕ່ໄຟແດງໜອງບຶກ ຫາບ້ານໜອງສະເມືອງນາຊາຍທອງ ໂດຍເລີ່ມລົງມືມາຕັ້ງແຕ່ທ້າຍເດືອນພຶດສະພາເປັນຕົ້ນມາປັດຈຸບັນສາມາດປະຕິບັດໄດ້ຫລາຍກວ່າ 80% ແລະຈະໃຫ້ສຳເລັດທ້າຍເດືອນມິຖຸນານີ້.

ເຈົ້າໜ້າທີ່ພາກສ່ວນກ່ຽວຂ້ອງຍັງໃຫ້ຮູ້ຕື່ມວ່າ: ການປະຕິບັດໂຄງການຄັ້ງນີ້ກໍເພື່ອແກ້ໄຂບັນຫາສາຍໄຟທີ່ບໍ່ເປັນລະບຽບດ ປ້ອງກັນບໍ່ໃຫ້ເກີດບັນຫາໄຟຟ້າລັດວົງຈອນ ແລະບໍ່ໃຫ້ເກີດບັນຫາສິ່ງກີດຂວາງຕ່າງໆ ເຊິ່ງແມ່ນໄດ້ຮັບຄວາມຮ່ວມມືຈາກປະຊາຊົນທີ່ມີເຮືອນໃກ້ກັບແລວສາຍໄຟ ແລະຝາກປະຊາຊົນເຂດທີ່ຍັງເກັບກູ້ບໍ່ທ່ວງທັນການເທື່ອນັ້ນໃຫ້ອົດໃຈລໍກ່ອນ ສັນຍາວ່າຈະໃຫ້ສຳເລັດໄວໆນີ້ຢ່າງແນ່ນອນ.