ທ່ານທູດ ສສ ຫວຽດນາມຢ້ຽມຢາມແຂວງບໍ່ແກ້ວ

ໃນວັນທີ 13 ມິຖຸນານີ້, ທ່ານ  ຫງວຽນ ບ່າຮຸ່ງ ເອກອັກຄະລະ ສະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳຢູ່ ສປປ ລາວ ໄດ້ລົງຢ້ຽມຢາມເຮັດ  ວຽກຢູ່ແຂວງບໍ່ແກ້ວ ໂດຍການຕ້ອນຮັບຢ່າງອົບອຸ່ນຈາກ ທ່ານ ຄຳພັນ ເຜີຍຍະວົງ ກຳມະການສູນກາງ ເລຂາພັກແຂວງເຈົ້າ ແຂວງໆບໍ່ແກ້ວພ້ອມຄະນະ ແລະ ໃນໂອກາດນີ້ທ່ານເຈົ້າແຂວງບໍ່ ແກ້ວໄດ້ລາຍ ງານສະພາບລວມຂອງແຂວງວ່າ: ແຂວງ ບໍ່ແກ້ວ ເປັນແຂວງພູດອຍປະຊາຊົນ ສ່ວນຫລາຍຖືເອົາການຜະລິດ ກະສິກຳເປັນຕົ້ນຕໍ ແລະ ຜ່ານມາ ແຂວງບໍ່ແກ້ວກໍໄດ້ຮັບການອູ້ມ ຊູຊ່ວຍເຫລືອເປັນຈຳນວນບໍ່ໜ້ອຍ ຈາກ ສສ ຫວຽດນາມເປັນຕົ້ນວຽກງານປ້ອງກັນຄວາມສະຫງົບເຂດຊາຍແດນ, ການຮ່ວມມືທາງດ້ານເສດຖະກິດ-ສັງຄົມ ຢ່າງຮອບດ້ານ.

+ ສສ ຫວຽດນາມຊ່ວຍຍົກລະດັບ ທັກສະວິເຄາະຂໍ້ມູນຂ່າວສານໃຫ້ສື່ມວນຊົນລາວ

+ ສະຫະລັດອາເມລິກາໃຫ້ການຊ່ວຍເຫລືອໂຄງການເຄື່ອນທີ່ອົງຄະທຽມ ແລະ ເຄື່ອງຄໍ້າຊູ ທີ່ແຂວງໄຊຍະບູລີ

+ ແຂວງບໍ່ແກ້ວໄຂກອງປະຊຸມເປີດກວ້າງຄົບຄະນະບໍລິຫານງານພັກຄັ້ງທີ 5

ໃນໂອກາດນີ້ ທ່ານທູດກໍໄດ້ສະແດງຄວາມຂອບໃຈມາຍັງ ທ່ານເຈົ້າແຂວງທີ່ໄດ້ໃຫ້ການຕ້ອນຮັບຢ່າງອົບອຸ່ນໃນຄັ້ງນີ້.  ແລະ ຕີລາຄາສູງຕໍ່ໝາກຜົນການຮ່ວມມືຊ່ວຍເຫລືອຂອງ ສອງຝ່າຍ ແລະ ໃນໂອກາດດັ່ງກ່າວ ທ່ານຍັງໄດ້ລົງຢ້ຽມຢາມໂຮງຮຽນເຕັກນິກວິຊາຊີບແຂວງ ບໍ່ແກ້ວໂຮງໝໍເມືອງຕົ້ນເຜິ້ງ ແລະ ເຂດພື້ນຖານການຜະລິດອື່ນໆຂອງແຂວງອີກດ້ວຍ.