ແມ່ເກີດລູກແທນລູກສາວທີ່ເປັນມະເຮັງມົດລູກ

ຍ້ອນລູກສາວເປັນມະເຮັງມົດລູກ ຈຶ່ງບໍ່ສາມາດທີ່ຈະກຳເນີດລູກໄດ້, ຜູ້ເປັນແມ່ ອາຍຸ 43 ປີ ໄດ້ຖືພາຕາງລູກສາວ ເກີດລູກແຝດ.

ຜູ້ເປັນແມ່ມີຊື່ວ່າ Sheila Gump ໄດ້ເກີດລູກແຝດ ຊາຍໜຶ່ງ, ຍິງໜຶ່ງ ຊຶ່ງມີນໍ້າໜັກຕາມລຳດັບ 2,3kg ແລະ 2kg ຢູ່ທີ່ໂຮງໝໍໃນລັດ Illinois ສະຫະລັດອາເມລິກາ. ຄູ່ຝາແຝດດັ່ງກ່າວ ຖືກປະສົມພັນໃນຫຼອດແກ້ວລະຫວ່າງນໍ້າເຊື້ອຂອງລູກສາວ ແລະ ລູກເຂີຍ.

ນາງ Micaela Gump Johnson ຜູ້ເປັນລູກສາວ ອາຍຸ 23 ປີໄດ້ລົມກັບຜູ້ເປັນແມ່ວ່າ ເຖິງແມ່ນເຂົາຈະມີລູກຊາຍຄົນໜຶ່ງອາຍຸ 3 ປີແລ້ວກໍຕາມ ແຕ່ເຂົາຍັງຢາກໄດ້ລູກອີກ ຈຶ່ງມີການປະສົມພັນລະຫວ່າງນໍ້າເຊື້ອລະຫວ່າງເຂົາກັບຜົວໃນຫຼອດແກ້ວ ແລ້ວເອົາມາຝາກໃຫ້ແມ່ຖືພາໃຫ້ ກ່ອນທີ່ຈະຮັບການປິ່ນປົວມະເຮັງມົດລູກ, ຖ້າຈະຈ້າງຜູ້ອື່ນຖືພາໃຫ້ແມ່ນຈະສິ້ນເປືອງການໃຊ້ຈ່າຍທີ່ສຸດ.

ເພື່ອຕອບສະໜອງຄວາຮຽກຮ້ອງຕ້ອງການຂອງລູກສາວ ນາງ Sheila Gump ຜູ້ເປັນແມ່ຈຶ່ງຮັບປາກຖືພາໃຫ້ລູກສາວ.

ພາຍຫຼັງ ຖືພາ9 ເດືອນ, ວັນທີ 11 ມີຖຸນານີ້ ນາງ Sheila Gump ໄດ້ໃຫ້ກຳເນີດລູຝາແຝດ ຊາຍໜຶ່ງ ຍິງໜຶ່ງ ໂດຍວິທີການຜ່າຕັດອອກ.

ກ່ອນທີ່ຈະອອກຈາກໂຮງໝໍ, ນາງ Sheila Gump ເວົ້າກັບພິມງານແພດໝໍວ່າ: “ເວົ້າເຖິງສາຍສຳພັນ ຂ້ອຍໄດ້ຄິດໄວ້ແຕ່ຫົວທີແລ້ວວ່າ ເດັກສອງຄົນນັ້ນບໍ່ແມ່ນລູກຂອງຂ້ອນ ພຽງເປັນຫຼານເທົ່ານັ້ນ ແຕ່ໃນເມື່ອພວກເຂົາຫາກຕ້ອງການຂ້ອຍເມື່ອໃດຂ້ອຍກໍຕ້ອງມີໜ້າທັນທີເມື່ອນັ້ນ”