ອາລັງການ ! ຂະບວນເຮືອນັບພັນລຳ ສະຫລອງວັນເກີດທ່ານ ໂດນັລ ທຣຳ
ຄາລາວານເຮືອທັງນ້ອຍ ແລະ ໃຫຍ່ປະມານ 1.000 ລຳ ແລ່ນອອກສູ່ທະເລໃນປາລມ ບີຊ ໃກ້ກັບເຮືອນຂອງທ່ານ ທຣຳ ຢູ່ມາຣ໌-ອາ-ລາໂກ ຣີສອດ ເພື່ອສະຫລອງວັນເກີດປີທີ 74 ຂອງປະທານາທິບໍດີ ໂດນັລ ທຣຳ.
ຜູ້ສະໜັບສະໜູນປະທານາທິບໍດີ ໂດນັລ ທຣຳ ໃນລັດຟໍຣິດາ ໄດ້ສະຫລອງວັນຄ້າຍວັນເກີດຄົບຮອບ 74 ປີ ໃນວັນທີ 14 ມິຖຸນາ ໃຫ້ແກ່ທ່ານ ໂດຍຄາລາວານເຮືອທັງນ້ອຍ ແລະ ໃຫຍ່ປະມານ 1.000 ລຳ ຂີ່ອອກສູ່ທະເລໃນປາລມ ບີຊ ໃກ້ກັບເຮືອນຂອງທ່ານ ທຣຳ ທີ່ມາຣ໌-ອາ-ລາໂກ ຣີສອດ.
ຂະນະທີ່ຢູ່ເທິງບົກ ມີຄາລາວານລົດບັນທຸກ, ລົດຈັກແລ່ນໄປຕາມຖະໜົນທາງຫລວງ ເຊິ່ງຜູ້ຈັດເປັນສ່ວນໜຶ່ງຂອງທີມຫາສຽງເລືອກຕັ້ງປະທານາທິບໍດີຂອງທ່ານ ທຣຳ ແລະ ມີແຜນຈະຈັດແບບດຽວກັນນີ້ ຢູ່ຟອດ ເລົາເດິເດລ, ໄມອາມີ, ຟໍຣິດາ, ຄີ, ແທມປາ, ເພນຊາໂຄລາ ແລະ ແຈັກສັນ ວິລ ທີ່ທ່ານ ທຣຳ ຈະໄດ້ຮັບການສະເໜີຊື່ຊີງຕຳແໜ່ງປະທານາທິບໍດີເປັນສະໄໝທີ 2 ໃນເດືອນສິງຫານີ້.
