ຫົວຫນ້າຕຳຫລວດ ATLANTA ລາອອກຫລັງຈາກຕຳຫລວດໃຈກົມກອງຍິງຊາຍຜິວດຳເສຍຊີວິດ

Erica Shields, ຫົວ ໜ້າ ຫ້ອງການ ຕຳ ຫຼວດ Atlanta ໃນ Georgi, ໄດ້ປະກາດລາອອກໃນມື້ວານນີ້ (13 ມິຖຸນາ) ຫຼັງຈາກຕຳຫລວດໃຈກົມກອງຂອງຕົນຍິງຊາຍຜິວດຳເສຍຊີວິດໃນຄືນວັນສຸກ (12 ມິຖຸນາ), ເຊິ່ງກໍ່ໃຫ້ເກີດຄວາມບໍ່ພໍໃຈຕໍ່ປະຊາຊົນ.

ຫ້ອງການສືບສວນຂອງ Georgia (GBI) ໄດ້ເປີດເຜີຍວ່າ ຜູ້ຊາຍສີຜົວ ທ້າວ Ray Richards Brooks ອາຍຸ 27 ປີ ຖືກຕຳຫຼວດຍິງເສຍຊີວິດຢູ່ບ່ອນຈອດລົດຂອງຮ້ານອາຫານອາຫານໄວ Wendy ຫຼັງຈາກຂັດຂືນການຈັບກຸມ.

ເຫດການເລີ່ມຕົ້ນເວລາ 22:30 ນາທີ ຂອງວັນສຸກ 12 ມີຖຸນາ ຕາມເວລາທ້ອງຖິ່ນ ໂດຍຕຳຫລວດໄດ້ຮັບແຈ້ງວ່າມີຜູ້ຊາຍຄົນຫນຶ່ງນອນຢູ່ໃນລົດທີ່ຈອດຕັນທາງເຂົ້າອອກຮ້ານອາຫານ Wendy ເຮັດໃຫ້ລູກຄ້າຄົນອື່ນຕ້ອງລຳບາກຂັບອ້ອມ

ເມືອຕຳຫລວດສອງຄົນໄປຮອດໄດ້ເຫັນ Brooks ຈຶ່ງໄດ້ແທກອາການເມົາ ແຕ່ປະກົດວ່າ ຊາຍຜູ້ນັ້ນພະຍາຍາມຂັດຂືນ ແລະ ໄດ້ຍາດປືນໄຟຟ້າຈາກຕຳຫລດກ່ອນຈະແລ່ນຫນີ ເຮັດໃຫ້ຕຳຫລວດຕ້ອງຍິງປືນໄຟຟ້າ 3 ນັດໃສ່ ຫນຶ່ງໃນພະຍານບອກວ່າ Brooks ຍັງຫາຍໃຈ ກ່ອນຈະເສຍຊີວິດໃນໂຮງພະຍາບານ