ຈີນປູກເຂົ້າໃນຫາດຊາຍ

     ຈີນ​ເດີນ​ໜ້າ​ຜະລິດ​ເຂົ້າ​ໃນຫາດຊາຍອູ​ຫລັນ​ປູ້ ທີ່​ມີ​ຂະໜາດ​ໃຫຍ່​ເປັນອັນ​ດັບ 8 ຂອງ​ຈີນ, ຄາດ​ວ່າ​ຈະ​ໄດ້ຜົນ​ຜະລິດ​​ເຖິງ 1.000 ກິ​ໂລ/​ໄລ່.

ກະສິກອນ​ຊາວ​ຈີນ​ມຸ່ງ​ໝັ້ນຜະລິດ​ເຂົ້າ​ໃນ​ໜານ​ຂະໜາດ​ 347 ​ເຮັກຕາ ຫລື ປະມານ 2.169 ​ໄລ່  ຢູ່​ທະ​ເລ​ຊາຍ​ອູ​ຫລັນ​ປູ້ ທີ່​ມີ​ຂະໜາດ​ໃຫຍ່​ເປັນອັນ​ດັບ 8 ຂອງ​ຈີນ. ​ໃນ​ໄລຍະ 10 ວັນ​ຜ່ານ​ມາ, ລົດ​ປູກ​ເຂົ້າຂະໜາດ​ໃຫຍ່ 10 ກວ່າ​ຄັນ ຕ່າງ​ແລ່ນ​ທ່ຽວ​ໄປ​ທ່ຽວ​ມາ​ໃນ​ພື້ນດິນຊາຍ​ຂອງ​ເມືອງ​ປາ​ຢຽນນາວ​ເອີ ​ເຂດ​ປົກຄອງ​ຕົນ​ເອງ​ມອງ​ໂກ​ເລຍ.

​ ​ໂຄງການ​ປູກ​ເຂົ້າ​ໄຮ່ຢູ່​ຫາດ​ຊາຍ​ອູ​ຫລັນ​ປູ້​ ຖື​ເປັນຄັ້ງທຳ​ອິດ​ຂອງ​ການ​ປູກ​ເຂົ້າ​ໄຮ່​ຢູ່​ຫາດ​ຊາຍ​ແຫ່ງ​ນີ້ ​ໂດຍ​ເລີ່​ມມາ​ແຕ່​ວັນ​ທີ 26 ພຶດສະພາ ​ແຕ່​ລະມື້ມີ​ເຄື່ອງ​ຈັກ​ຖືກ​ສົ່ງ​ມາ​ຫລາຍ​ສິບ​ອັນ ມີ​ຕົ້ນທຶນ​ລວມຂອງ​ການ​ປູກ​ເຂົ້າ​ໄຮ່ ປະມານ 2.000 ຢວນຕໍ່ 0,42 ​ໄລ່, ກຳ​ໄລ​ສຸດທິ​ອາດ​ສູງ​ເຖິງ 10.000 ຢວນ.