ຂ່າວສັ້ນ ທົ່ວໂລກ

• ອົງການຈັດຕັ້ງຮ່ວມມື ແລະ ພັດທະນາເສດຖະກິດ(OECD) ພະຍາກອນວ່າ ເສດຖະກິດໂລກຈະຫຼຸດລົງ 6% ໃນປີນີ້, ພ້ອມດຽວກັນກໍໄດ້ກ່າວເຕືອນຄວາມອາດສາມາດຟື້ນຟູຄືນ ແບບ “ຊ້າໆ ແລະ ບໍ່ມີຄວາມແນ່ນອນ”.
• ໂດຍການສະໜັບສະໜູນຂອງພັກຂະບວນການສັງຄົມນິຍົມ(MAS) ຂອງອະດີດປະທານາທິບໍດີ E.Mô-ra-lét ທີ່ມີຖານສຽງສ່ວນຫຼາຍຢູ່ທັງສອງສະພາ. ສະພາແຫ່ງຊາດ ໂບລີເວຍ ໄດ້ຜ່ານຮ່າງກົດໝາຍວ່າດ້ວຍການກຳນົດການເລືອກຕັ້ງທີ່ຈະມາເຖິງຢ່າງຊ້າທີ່ສຸດແມ່ນວັນທີ 6 ກັນຍາທີ່ຈະມາເຖິງ.
• ສະຫະພາບເອີໂຣບ(EU) ສະໜັບສະໜູນຄຳສະເໜີໃຫ້ມີການດັດແກ້ກົນໄກຂອງສະຫະປະຊາຊາດກ່ຽວກັບການຄວບຄຸມການປ່ອຍອາຍ ຄາບອນດີອອກໄຊ ຂອງຂະແໜງການບິນ. ຄຳສະເໜີດັ່ງກ່າວເຖິງແມ່ນວ່າ ຈະໄດ້ຮັບການສະໜັບສະໜູນຈາກຫຼາຍບໍລີສັດການບິນກໍຕາມ ແຕ່ກໍຖືກຕໍ່ຕ້ານຈາກນັກເຄື່ອນໄຫວເພື່ອສິ່ງແວດລ້ອມ, ຊຶ່ງພວກເຂົາກ່າວວ່າ ບັນດາບໍລິສັດການບິນ ຈະຍຸທ່າງສ້າງມົນລະພິດໃນຫຼາຍປີຕໍ່ໜ້າ.
• ມູນຄ່າການສົ່ງອອກອຸປະກອນເສິກຂອງ ການາດາ ໄປຍັງ ຊາອຸດີອາຣາເບຍ ປີ 2019 ມີມູນຄ່າສູງທີ່ສຸດ 2,16 ຕື້ໂດລາ, ເຖິງແມ່ນໄລຍະນີ້ ການາດາ ຈະຢຸດຕິການອອກອະນຸມັດໃໝ່ຕໍ່ການເຄື່ອນໄຫວສົ່ງອອກອາວຸດໃຫ້ແກ່ Ri-i-át ພາຍຫຼັງນັກຂ່າວ G.Kha-sốc-ghi ເສຍຊີວິດ.
• ກະຊວງປ້ອງກັນປະເທດ ເກົາຫຼີໃຕ້ ຈະປະຕິບັດຢ່າງຄົບຖ້ວນຂໍ້ຕົກລົງຫຼຸກຜ່ອນຄວາມເຄັ່ງຕຶງທາງການທະຫານຕໍ່ເກົາຫຼີເໜືອ, ເຖິງແມ່ນວ່າ ເກົາຫຼີເໜືອຈະຂູ່ວ່າຈະຍົກເລີກຂໍ້ຕົກລົງກໍຕາມ.
• ຜູ້ຕາງໜ້າລະດັບສູງກ່ຽວກັບນະໂຍບາຍຄວາມໝັ້ນຄົງຂອງສະຫະພາບເອີ້ໂຣບ(EU) ທ່ານ G.Bo-ren ພ້ອມກັບລັດຖະມົນຕີ ການຕ່າງປະເທດຂອງບັນດາປະເທດເຊັ່ນ: ຝຼັ່ງ, ເຢຍລະມັນ ແລະ ອີຕາລີ ໄດ້ຖະແຫຼງການຮ່ວມຮຽກຮ້ອງໃຫ້ຝ່າຍຕ່າງໆໃນ ລີບີຢຸດຕິສູ້ຮົບທາງການທະຫານ ແລະ ເຂົ້ານັ່ງໂຕເຈລະຈາ. ໂດຍສັນຕິວິທີ.
• ຜູ້ຊ່ຽວຊານຂອງອົງການສະຫະປະຊາຊາດຮຽກຮ້ອງໃຫ້ລັດຖະບານຍີ່ປຸ່ນ ຢ່າຟ້າວຟັ່ງປ່ອຍນໍ້າປົນເປື້ອນຈາກໂຮງງານໄຟຟ້າປະລະມະນູ Phư-cư-si-ma ລົງສູ່ທະເລ ຈົນກວ່າຈະດຳເນີນການໃຫ້ຄຳປຶກສາກັບບັນດາປະເທດອ້ອມຂ້າງທີ່ໄດ້ຮັບຜົນກະທົບສາກ່ອນ.
• ສານປະຊາຊົນສູງສຸດ ອິສຣາແອນ ຍົກເລີກກົດໝາຍກ່ຽວກັບການຕັ້ງຖິ່ນຖານໃຫ້ຄົນອິສຣາແອນ ທີ່ຢຶດຄອງດິນແດນຂອງ ປາແລສຕີນ ຢູ່ທາງຝັ່ງຕາເວັນຕົກ ເພາະກົດໝາຍດັ່ງກ່າວ “ລະເມີດລັດຖະທຳມະນູນ”.

ຂ່າວ: ລູກເມືອງພວນ (ແຫຼ່ງຂ່າວ nhandan.com.vn)