ເພື່ອຄວາມປອດໄພ ເມື່ອນັກຮຽນກັບສູ່ໂຮງຮຽນ, ຕ້ອງປະຕິບັດແບບນີ້:

#ກ່ອນທີ່ນັກຮຽນຈະໄປເຖິງໂຮງຮຽນ ຕ້ອງ:

1. ພື້ນຖານໂຄງລ່າງ, ອຸປະກອນ, ວັດຖຸສິ່ງຂອງ ແລະ ສະພາບແວດລ້ອມ, ຄວາມປອດໄພທາງດ້ານອາຫານ, ອຸປະກອນການແພດໃນໂຮງຮຽນເຊັ່ນ: ເຄື່ອງວັດອຸນຫະພູມ, ສະບູ, ເຈວລ້າງມື , ນໍ້າດື່ມ, ອ່າງລ້າງມື ຕ້ອງພ້ອມ ແລະ ມີຄວາມສະອາດ.
2. ສ້າງແຜນການສິດສອນໃຫ້ສອດຄ່ອງກັບເງື່ອນໄຂຕົວຈິງຂອງໂຮງຮຽນ ແລະ ສະຖານະການລະບາດຂອງພະຍາດໃນທ້ອງຖິ່ນນັ້ນໆ.
3. ຮັບປະກັນໃຫ້ເຮືອນລ້ຽງເດັກ, ນັກຮຽນສາມັນ, ພະນັກງານບໍລີຫານການສຶກສາ, ຄູອາຈານ, ພະນັກງານຮັບໃຊ້ໃນໂຮງຮຽນຕ້ອງ ແຈ້ງສະພາບສຸຂະພາບຮ່າງກາຍຂອງຕົນ ແລະ ໄດ້ຮັບການ ວັດແທກອຸນຫະພູມ 100%.
4. ນັກຮຽນ, ພະນັກງານ, ຄູອາຈານ ຕ້ອງໃສ່ຜ້າອັດປາກ-ດັງ 100%.
5. ຕ້ອງເຮັດອະນາໄມຂ້າເຊື້ອພະຍາດໃນຫ້ອງຮຽນ, ໃນໂຮງຮຽນ, ອຸປະກອນການຮຽນ ແລະ ລົດຮັບສົ່ງນັກຮຽນໃຫ້ຖືກກັບການກຳນົດຂອງກະຊວງສາທາລະນະສຸກ.
6. ໃນໂຮງຮຽນຕ້ອງມີແພດໝໍ, ຫ້ອງແຍກປ່ຽວ, ຫ້ອງພະຍາບານ ແລະ ມີທີ່ປຶກສາທາງດ້ານຈິດໃຈ.
7. ຈັດຕັ້ງໂຄສະນາ, ຝຶກອົບຮົມໃຫ້ນັກຮຽນ, ພະນັກງານ, ຄູອາຈານວິທີການປ້ອງກັນ ແລະ ຕ້ານພະຍາດ, ວາງແຜນປິ່ນປົວໃນກໍລະນີມີຜູ້ເປັນໄຂ້, ໄອ ແລະ ຫາຍໃຈຍາກ ທີ່ສົງໄສວ່າຕິດເຊື້ອໂຄວິດ-19.

#ເມື່ອນັກຮຽນມາເຖິງໂຮງຮຽນ ຕ້ອງ:

1. ນັກຮຽນ, ພະນັກງານ, ຄູອາຈານຕ້ອງໄດ້ຮັບການວັດແທກອຸນຫະພູມ 100%.
2. ເດັກອະນຸບານ ແລະ ປະຖົມຖືກມາສົ່ງມາ ແລະ ຮັບເອົາຢູ່ທີ່ປະຕູໂຂງຂອງໂຮງຮຽນ.
3. ຕ້ອງຮັບປະກັນໄລຍະຫ່າງທັງຢູ່ໃນຫ້ອງຮຽນ ແລະ ນອກຫ້ອງຮຽນ, ຫ້ອງເຮັດວຽກ ຕາມມາດຕະການຂອງລັດຖະບານ.
4. ຈັດຕັ້ງປະຕິບັດຢ່າງເຄັ່ງຄັດການເຮັດອະນາໄມໂຕະຕັ່ງ ແລະ ໜ້າພຽງສິ່ງຂອງວັດຖຸໃນຫ້ອງຮຽນ, ຕ້ອງມີບ່ອນລ້າງມື, ມີຫ້ອງນໍ້າ, ພາຫະນະນຳສົ່ງນັກຮຽນ ຕ້ອງມີຄວາມສະອາດ ແລະ ໃສ່ໜ້າກາກອະນາໄມທຸກຄົນ.
5. ຕ້ອງຕິດຕາມ, ກວດກາເບິ່ງສະບູ, ເຈວລ້າງມື ແລະ ສິ່ງຂອງອື່ນໆຢູ່ສະເໝີ ເມື່ອເຫັນວ່າໝົດແລ້ວກໍໃຫ້ເພີ່ມເຕີມທັນທີບໍ່ໃຫ້ຂາດ.
6. ຄະນະຊີ້ນຳການປ້ອງກັນ ແລະ ຕ້ານພະຍາດໂຄວິດຂອງໂຮງຮຽນຕ້ອງຈັດຕັ້ງການກວດກາຢ່າງເຄັ່ງຄັດ, ໝັ່ນຕັກເຕືອນໃຫ້ປະຕິບັດຕາມມາດຕະການຢ່າງເຂັ້ມງວດ.

#ໃນເມື່ອສິ້ນສຸດການຮຽນ(ເລີກຮຽນ) ຕ້ອງ:

1. ຕ້ອງຮັບປະກັນໃຫ້ ນັກຮຽນ, ພະນັກງານ, ຄູອາຈານ ປະຕິບັດໄລຍະຫ່າງໃຫ້ເໝາະສົມ ແລະ ໃສ່ໜ້າກາກອະນາໄມ 100%.
2. ຮັບປະກັນໃຫ້ນັກຮຽນລ້ຽງເດັກ ແລະ ປະຖົມໄດ້ມອບຮັບກັບພໍ່ແມ່ເດັກທຸກຄົນ 100%.

ຂ່າວ: ລູກເມືອງພວນ