ສະໂມສອນນ໊ອງ ປະກາດແຕ່ງຕັ້ງ ຣານິເອຣີ ເປັນຜູ້ຈັດການທີມຄົນໃໝ່ຮຽບຮ້ອຍແລ້ວ

ສະໂມສອນ ນ໊ອງ ທີມດັງ ໃນການແຂ່ງຂັນລີກເອິງ ຝຣັ່ງ ປະກາດແຕ່ງຕັ້ງ ເຄລາດິໂອ ຣານິ ເອຣີ ຄົນ ອິຕາລີ ເປັນຜູ້ຈັດການ ທີມຄົນໃໝ່ຮຽບຮ້ອຍແລ້ວ ໂດຍ ເຊັນສັນຍາຮ່ວມວຽກກັນເປັນເວລາ 2 ປີ.
ກ່ອນໜ້ານີ້ ຣານິເອຣີ ເຊິ່ງ ພາ ເລສເຕີ ຊິຕີ ຄວ້າແຊ໊ມພຣີ ເມຍລີກ ອັງກິດ ໃນລະດູການ 2015-16 ມີຂ່າວເຊື່ອມໂຍທັງ ຄຣິສຕັນ ພາເລດ ແລະ ວັດຟອດ ແຕ່ຫຼ້າສຸດລາວເອງເລືອກມາຄຸມທີມ ນ໊ອງ ແທນ ແຊໂຈ ຄອນ ໄຊເຊົາ ຜູ້ຈັດການທີມຄົນ ສະເປນ ທີ່ຍ້າຍໄປຄຸມທີມ ເອຟຊີ ປໍໂຕ.
ຖືເປັນການກັບ ຝຣັ່ງ ອີກ ຄັ້ງຂອງຜູ້ຈັດການທີມອາຍຸ 65 ປະ ຫຼັງຈາກທີ່ເຄີຍຄຸມ ອາແອສ ໂມນາໂກ ໄລຍະປີ 2012-14 ໂດຍລາວເອງຖືກ ເລສເຕີ ຊິຕີ ປົດ ອອກຈາກຕຳແໜ່ງຜູ້ຈັດການທີມໄລຍະເດືອນກຸມພາຜ່ານມາ.