ແຂວງຜົ້ງສາລີຖອນບົດຮຽນການເຮັດທົດລອງຈັດເກັບລາຍຮັບທີ່ດິນຢູ່ເມືອງບຸນໃຕ້

ເຊົ້າຂອງວັນທີ່ 5 ມີຖຸນາ ແຂວງຜົ້ງສາລີ ໄດ້ຈັດກອງປະຊຸມຖອດຖອນບົດຮຽນການເຮັດທົດລອງຈັດເກັບລາຍຮັບທີ່ດິນ ຢູ່ 3 ບ້ານ ຂອງເມືອງບຸນໃຕ້. ຂື້ນທີສະໂມສອນໃຫຍ່ເມືອງດັ່ງກ່າວ ໂດຍການເປັນປະທານຂອງທ່ານ ຄຳຜອຍ ວັນນະສານ ຮັກສາການເລຂາພັກແຂວງ, ເຈົ້າແຂວງໆຜົ້ງສາລີ.

ຮອງຫົວໜ້າພະແນກຊັບພະຍາກອນທໍາມະຊາດ ແລະ ສີ່ງແວດລ້ອມ ທັງເປັນຮອງຫົວໜ້າຄະນະຮັບຜິດຊອບການເຮັດທົດລອງຈັດເກັບລາຍຮັບດັ່ງກ່າວຢູ່ ບ້ານບູນໃຕ້, ບ້ານ ຊິງໄຊ ແລະ ບ້ານນາໄຊນັບແຕ່ ວັນທີ 27 ພຶດສະພາ ເຖິງ ວັນທີ 4 ມິຖຸນານີ້ໃນຕອນດິນ ທັງໝົດ 878 ຕອນ ໃນນີ້ມີເນື້ອທີ່ດິນປຸກສ້າງໄດ້ວັດແທກ 3,6 ເຮັກຕາ ແລະ ປະເພດດິນກະສິກຳ 44 ເຮັກຕາ ສາມາດເກັບລາຍຮັບສະເພາະບ້ານບູນໃຕ້ໄດ້ 51 ລ້ານກ່ວາກີບ, ບ້ານ ຊິງໄຊ ມີຕອນດິນ ທັງໝົດ 369 ຕອນ ລວມມີເນື້ອທີ່ 30,38 ເຮັກຕາ, ສາມາດເກັບລາຍຮັບໄດ້ 21 ລ້ານກ່ວາ ກີບ. ສ່ວນບ້ານນາໄຊມີຕອນດິນ ທັງໝົດ ມີ 349 ຕອນ ລວມມີເນື້ອທີ່ 87,87 ເຮັກຕາສາມາດເກັບລາຍຮັບໄດ້ 21 ລ້ານກ່ວາກີບ.

ທ່ານ ເຈົ້າແຂວງມີຄໍາເຫັນສະແດງຄວາມຍ້ອງຍໍຊົມເຊີຍຕໍ່ຄະນະຮັບຜິດຊອບການເຮັດທົດລອງເກັບລາຍຮັບທີ່ດີນດັ່ງກ່າວເຫັນວ່າມີປະສິດທິພາບດີຂຶ້ນ,ແຕ່ກໍຮຽກຮ້ອງໃຫ້ທຸກພາກສ່ວນຈົ່ງພ້ອມກັນເອົາໃຈໃສ່ 4 ວຽກໃຫຍ່ຄື: ນຳພາການຈັດຕັ້ງປະຕິບັດໃຫ້ດີ, ເອົາໃຈໃສ່ສະຫຼູບລາຍງານ, ສ້າງຄູ່ມື້ໃນການເກັບລາຍຮັບຂັ້ນບ້ານໃຫ້ເປັນເອກະພາບ, ສ້າງພະນັກງານນໍາພາຂັ້ນເມືອງ – ຂັ້ນບ້ານ, ກຳນົດໃຫ້ໄດ້ຖານລາຍຮັບຂັ້ນບ້ານຢ່າງລະອຽດຈະແຈ້ງເພື່ອ, ສຳລັບງົບປະມານນຳໃຊ້ແມ່ນມອບໃຫ້ເມືອງໃດເມືອງນັ້ນຮັບຜິດຊອບໂດຍການກຳນົດເອົາໝື່ງບ້ານຕໍ່ 1 ລ້ານກີບ, ສ່ວນການເກັບຄ່າຊັບພະຍາກອນທຳມະຊາດແມ່ນສືບຕໍ່ເກັບ 7000 ກີບຕໍ່ຄົນຕໍ່ປີ.