ເລຂາທິການໃຫ່ຍສະຫະປະຊາຊາດຮຽກຮ້ອງໃຫ້ປົກປັກຮັກສາແລະ ພັດທະນາມະຫາສະໝຸດໂລກໃຫ້ຍືນຍົງ

ທ່ານ Antonio Guterres ຮຽກຮ້ອງໃຫ້ທຸກປະເທດ ແລະ ທຸກພາກສ່ວນກ່ຽວຂ້ອງຈົ່ງໃຫ້ຄຳໝັ້ນສັນຍາປົກປັກຮັກສາ ແລະ ພັດທະນາມະຫາສະໝຸດ ໂດຍຜ່ານການປ່ຽນແປງໃໝ່ ແລະ ໂດຍທາງວິທະຍາສາດ. ຄຳຮຽກຮ້ອງດັ່ງກ່າວມີຂຶ້ນເນື່ອງໃນໂອກາດວັນມະຫາສະໝຸດໂລກ, ວັນທີ 8 ມີຖຸນານີ້.

ທ່ານເລຂາທິການໃຫ່ຍກ່າວວ່າ: “ໃນຂະນະທີ່ພວກເຮົາມີຄວາມພະຍາຍາມສະກັດກັ້ນພະຍາດໂຄວິດ ເພື່ອສ້າງຊີວິດໃຫ້ດີກວ່າ, ພວກເຮົາມີໂອກາດຄັ້ງດຽວ ແລະ ມີໜ້າທີ່ດັດປັບສາຍກ້ຽວພັນລະຫວ່າງພວກເຮົາກັບໂລກທຳມະຊາດ ຊຶ່ງລວມທັງມະຫາສະໝຸດອີກດ້ວຍ”.

ທ່ານ Guterres ໃຫ້ຮູ້ວ່າ ທຸກມື້ນີ້, ລະດັບນໍ້າທະເລໄດ້ສູງຂຶ້ນ ຍ້ອນການປ່ຽນແປງຂອງດິນຟ້າອາກາດ ອັນເປັນໄພຂົ່ມຂູ່ຕໍ່ການດຳລົງຊີວິດຂອງບັນດາປະຊາຊາດທີ່ຢູ່ບ່ອນຕໍ່າ ແລະ ຕົວເມືອງແຄມທະເລ. ນໍ້າທະເລນັບມື້ມີທາດ axit ຫຼາຍຂຶ້ນ, ຊີວະນານາພັນ ແລະ ແຫຼ່ງອາຫານໃນທະເລກຳລັງຖືກຂົ່ມຂູ່ ແລະ ການເປັນພິດຈາກເສດ ປະລາສະຕິກ ໄດ້ກາຍເປັນສິ່ງທ້າທາຍ. ໃນສະຖານະການດັ່ງກ່າວ, ປີນີ້ຈຶ່ງມີຫົວຂໍ້ທີ່ວ່າ: “ປ່ຽນແປງໃໝ່ ເພື່ອໃຫ້ມະຫາສະໝຸດຍືນຍົງ”.

ເລຂາທິການໃຫ່ຍສະຫະປະຊາຊາດຢໍ້າວ່າ: “ທົດສະວັດໜ້ານີ້, ສະຫະປະຊາຊາດເພື່ອວິທະຍາສາດມະຫາສະໝຸດ, ເພື່ອການພັດທະນາທີ່ຍືນຍົງ”. ຊຸກຍູ້ໃຫ້ທຸກຊາດ ແລະ ພາກສ່ວນກ່ຽວຂ້ອງໃຫ້ຄຳໝັ້ນສັນຍາປ່ຽນແປງໃໝ່ ເພື່ອປົກປັກຮັກສາ ມະຫາສະໝຸດໂລກ.

ປະທານສະພາແຫ່ງສະຫະປະຊາຊາດທ່ານ Tijjani Muhammad-Bande ມີທັດສະນະດຽວກັບເລຂາທີການໃຫ່ຍສະຫະປະຊາຊາດໄດ້ ເນັ້ນວ່າ: ການຂຸດຄົ້ນທີ່ຊັບພະຍາກອນທີ່ບໍ່ມີຄວາມຍືນຍົງກຳລັງເປັນໄພຄຸກຄາມເຖິງ “ຄວາມອາດສາມາດສະໜອງຂອງມະຫາສະໝຸດໃຫ້ພວກເຮົາ”. ໃນປີນີ້ ພວກເຮົາຕ້ອງສະກັດກັ້ນເສດຂີ້ເຫຍື້ອປະລາສະຕິກ 8 ລ້ານໂຕນທີ່ຖິ້ມລົງທະເລໃຫ້ໄດ້ ເພື່ອປົກປັກຮັກສາຊີວະນານາພັນ.

ທ່ານປະທານສະພາແຫ່ສະຫະປະຊາຊາດຮຽກຮ້ອງໃຫ້ບັນດາປະເທດສະມາຊິກສະຫະປະຊາຊາດ ໃຫ້ຄຳໝັ້ນສັນຍາເພື່ອໂລກສີຂຽວ 30% ເມື່ອເຖິງປີ 2030 ແລະ ຢ່າງໜ້ອຍຕ້ອງປົກປັກຮັກສາມະຫາສະໝຸດໃຫ້ໄດ້ 30% ເຊັ່ນດຽວກັນ.

ຂ່າວ: ລູກເມືອງພວນ(ແຫຼ່ງຂ່າວ baotintuc.vn)