New Normal ການປັບປຸງການຂາຍປະກັນ! ເມື່ອລູກຄ້າບໍ່ຢາກພົບໜ້າ ບໍລິສັດຢູ່ຍີ່ປຸ່ນເລີຍຂາຍຜ່ານຮ້ານຄ້າ 7-Eleven
ການລະບາດຂອງພະຍາດໂຄວິດ-19 ເຮັດໃຫ້ຜູ້ຄົນບາງສ່ວນຫລີກລ່ຽງທີ່ຈະຕ້ອງເວົ້າກັນແບບຕົວຕໍ່ຕົວ ເຊິ່ງສົ່ງຜົນກະທົບຕໍ່ທຸລະກິດບາງປະເພດ, ໜຶ່ງໃນນັ້ນຄືທຸລະກິດປະກັນຊີວິດທີ່ຕ້ອງອາໄສພະນັກງານເວົ້າກັບລູກຄ້າໂດຍກົງ ເພື່ອແກ້ບັນຫານີ້ ບໍລິສັດປະກັນຢູ່ຍີ່ປຸ່ນ MS&AD ຈຶ່ງໄດ້ຈັບມືກັບທຸລະກິດຍັກໃຫຍ່ຮ້ານສະດວກຊື້ຂອງຍີ່ປຸ່ນ 7-Eleven ໃນການເປັນໂຕແທນຂາຍປະກັນ.
ລູກຄ້າສາມາລົງທະບຽນຂໍ້ມູນທີ່ຈຳເປັນຜ່ານເຄື່ອງ Multi-function Machines ທີ່ຕ້ອງຢູ່ໃນຮ້ານ 20.000 ກວ່າເຄື່ອງທົ່ວປະເທດ ຂັ້ນຕອນການສະໝັກຈະສຳເລັດສົມບູນເມື່ອພວກເຂົາຈ່າຍຄ່າປະກັນທີ່ແຄັດເຊຍ ໂດຍລູກຄ້າສາມາດກວດສອບຂໍ້ມູນຕ່າງໆ ໄດ້ຜ່ານໂທລະສັບມືຖື ຫລື ຄອມພິວເຕີສ່ວນບຸກຄົນ.
ປົກກະຕິແລ້ວພະນັກງານຂອງ MS&AD ຂາຍປະກັນຊີວິດແບບເຫັນໜ້າກັບລູກຄ້າ ແລະ 7-Eleven ຈະເປັນຮ້ານສະດວກຊື້ແຫ່ງທຳອິດຢູ່ຍີ່ປຸ່ນ ທີ່ຂາຍປະກັນຊີວິດ ຄວາມຮ່ວມມືຄັ້ງນີ້ເກີດຂຶ້ນເມື່ອບໍລິສັດປະກັນໄພຄົ້ນຫາແນວທາງການຂາຍໃໝ່ ເນື່ອງຈາກການລະບາດຂອງໂຄວິດ-19ເກີດຂຶ້ນ.
ເບື້ອງຕົ້ນຄວາມຮ່ວມມືນີ້ຈະເລີ່ມດ້ວຍການຂາຍປະກັນມະເຮັງກ່ອນ ໂດຍເລີ່ມຂາຍຕັ້ງແຕ່ວັນທີ 16 ມິຖຸນາເປັນຕົ້ນໄປ ແລະ ທັງສອງຕັ້ງເປົ້າວ່າໃນປີທຳອິດຈະມີລູກຄ້າມາຊື້ 60.000 ສັນຍານຳກັນ.
7-Eleven ແລະ MS&AD ກຳລັງວາງແຜນທີ່ຈະຈັດຕັ້ງສູນບໍລິການທີ່ພະນັກງານຂາຍປະກັນທີ່ໄດ້ຮັບໃນອະນຸຍາດ ສຳລັບເປັນລະຫວ່າງທາງໃນການເວົ້າຕອບຂໍ້ສົງໃສໃຫ້ກັບລູກຄ້າໄດ້ຕະຫລອດ 24 ຊົ່ວໂມງ.
