ຂະບວນວິວັດແຫ່ງການປ່ຽນແປງຈາກເປັນຄູ່ຮ່ວມມືຍຸດທະສາດມາເປັນການປະເຊີນໜ້າໂດຍກົງລະຫວ່າງ Coteccons ແລະ Kusto
ພາຍຫຼັງ 8 ປີ ໃກ້ສິດຕິດພັນ ເປັນຄູ່ຮ່ວມມືຍຸດທະສາດນຳກັນ, ມາບັດນີ້ Kusto ຍອມຮັບວ່າໄດ້ກາຍມາເປັນການປະເຊີນໜ້າໂດຍກົງກັບ Coteccons ເພາະມີຂໍ້ຂັດແຍ່ງກັນກ່ຽວກັບ Ricons.
ການອອກມາລວມຕົວຜູ້ຖືຫຸ້ນພຽງຝ່າຍດຽວແບບຜິດປົກກະຕິຂອງບໍລິສັດ Coteccons (CTD) ໃນຖານະຜູ້ຖືຫຸ້ນລາຍໃຫ່ຍສຸດຂອງ Kustocem Pte. Ltd ໄດ້ກາຍເປັນຂີດໝາຍແຫ່ງການແຕກຫັກຂອງເພື່ອນຮ່ວມຍຸດທະສາດມາເປັນຄູ່ປະເຊີນໜ້າກັນ.
ກຸ່ມບໍລິສັດKusto ໃຫ້ຮູ້ວ່າ: “ພວກເຮົາບໍ່ສາມາດທີ່ຈະຝາກຄວາມຫວັງໄວ້ກັບສະພາບໍລິຫານ ແລະ ຄະນະບໍລິສັດໃນປັດຈຸບັນໄດ້ອີກ, ພິເສດແມ່ນບັນດາຜູ້ຈັດການຕົ້ນຕໍຂອງບໍລິສັດ. ພວກເຮົາຮຽກຮ້ອງໃຫ້ພວກເຂົາເຈົ້າລາອອກຈາກບໍລິສັດ Coteccons ທັນທີ ໃນທຸກໆຕຳແໜ່ງ”.
ບໍລິສັດ Kusto ມີສຳນັກງານຕັ້ງຢູ່ ສິງກະໂປ ແລະ ລົງທຶນໃສ່Coteccons ແຕ່ປີ 2012 ເປັນຕົ້ນມາພາຍຫຼັງການຈຳໜ່າຍ 10 ລ້ານຫຸ້ນເພື່ອໃຫ້ໄດ້ມາ 500 ຕຶ້ດົງ ໃນເວລານັ້ນ. ຊື່ງພວກເຂົາກໍໄດ້ຮັບຄຳຍ້ອງຍໍຊົມເຊີຍຈາກຄະນະນຳ ແລະ ວິຊາການແຖວໜ້າຂອງຂະແໜງການກໍ່ສ້າງຂອງຫວຽດນາມ ແລະ ພວກເຂົາຍັງໄດ້ໃຫ້ຄຳໝັ້ນສັນຍາວ່າ ຈະໃຫ້ການສະໜັບສະໜູນຕໍ່ສະພາບໍລິຫານຕໍ່ໄປ ນັບທັງໃນເວລາທຸລະກິດລົງຄ້ອຍ.
ຄະນະບໍລິຫານບໍລິສັດ Coteccons ໃນເວລານັ້ນ ເວົ້າວ່າ ການຮ່ວມມືຍຸດທະສາດແມ່ນມີໝາກມີຜົນດີ ພິເສດແມ່ນໃນຂະນະທີ່ເສດຖະກິດມີຄວາມຫຍຸ້ງຍາກ, ຕະຫຼາດຫຸ້ນລົງຄ້ອຍ. ປັດຈຸບັນຜູ້ຖືຫຸ້ນກວມເອົາ 18,32% ຫຸ້ນທັງໝົດທີ່ກຳລັງໝູນວຽນຢູ່ໃນປັດຈຸບັນ ພ້ອມກັນນັ້ນກໍເປັນເຈົ້າກຳມະສິດ14,67% ໂດຍຜ່ານບໍລິສັດຜູກຂາດຜູ້ດຽວ( TNHH MTV) ທີ່ມີຜົນສຳເລັດທາງດ້ານທຸລະກິດ ແລະ ການລົງທຶນ.
ສາຍສຳພັນລະຫວ່າງສອງຝ່າຍໄດ້ເກີດຄວາມເຄັ່ງຕຶງ ພາຍຫຼັງມີການໂຮມບໍລິສັດລູກເຂົ້າຫາກັນໃນປີ 2018. Kusto ຍອມຮັບວ່າມາເຖິງປັດຈຸບັນ ສາຍພົວພັນກັບ Coteccons ໄດ້ກາຍເປັນຄູ່ຂັດແຍ່ງໂດຍກົງແລ້ວ.
ຂ່າວ: ລູກເມືອງພວນ(ແຫຼ່ງຂ່າວ vnexpress.net)
