ຂາງາມຂຶ້ນໄດ້ງ່າຍໆໂດຍການຂີ່ລົດຖີບຢ່າງຖືກວິທີ
ແລ້ວສຳລັບຕອນນີ້ກະແສຂີ່ລົດຖີບກໍກຳລັງມາແຮງໃນຫລາຍປະເທດ ຫາກທ່ານໃດກຳລັງລັງເລວ່າຈະຂີ່ລົດຖີບຫລືບໍ່ ຫລື ຈະຂີ່ລົດຖີບແລ້ວໄດ້ແຂ່ງໃຫຍ່ຂຶ້ນມາແທນຫລືບໍ່ ອັນນີ້ຕ້ອງຢູ່ບ່ອນການປັບອຸປະກອນຂອງລົດຖີບໃຫ້ເຂົ້າກັບໂຕເອງ ແລ້ວກໍຂີ່ໃນໄລຍະທາງທີ່ໄດ້ກັບກຳລັງຂາທີ່ເໝາະສົມນຳ.
ມີຫລາຍຄຳແນະນຳຈາກຜູ້ຊ່ຽວຊານເລື່ອງການຂີ່ລົດຖີບ ແຕ່ສຳລັບນັກຂີ່ໜ້າໃໝ່ຈະລອງຂີ່ມື້ລະ 2 ຊົ່ວໂມງກ່ອນກໍໄດ້, ຄ່ອຍໆຂີ່ ບໍ່ໃຊ້ແຮງຫລາຍ ເພາະແຮງຂາຍັງບໍ່ພ້ອມໃນຕອນທຳອິດ ແລະ ບໍ່ຕ້ອງສົນໃຈໄລຍະທາງຫລາຍ ໃຫ້ເຮັດເວລາໄດ້ກ່ອນ ເມື່ອເຮັດໄດ້ແລ້ວກໍຄ່ອຍເພີ່ມແຮງ, ເພີ່ມເວລາ ແລະ ເພີ່ມໄລຍະທາງ.
ແຕ່ມີເຕັກນິກໜຶ່ງກ່ອນຈະຂຶ້ນຂີ່ລົດຖີບທຸກເທື່ອໃຫ້ອົບອຸ່ນຮ່າງກາຍໂດຍການຂີ່ລົດຖີບປະມານ 5 – 10 ນາທີ ແລ້ວຂີ່ຊ້າ 10 ວິນາທີ ສະຫລັບກັບຂີ່ໄວ 20 ວິນາທີ ເຮັດສະຫລັບໄປມາຄົບ 8 ຮອບ ແລ້ວຜ່ອນລົງເພື່ອໃຫ້ຮ່າງກາຍເຂົ້າສູ່ປົກກະຕິອີກ 5 ນາທີ ເພື່ອຊ່ວຍໃຫ້ມີແຮງໃນການຂີ່ຕໍ່ໄດ້ດົນຕາມເວລາທີ່ຕ້ອງການ ຈຶ່ງຈະໄດ້ສຸຂະພາບດີ ທັງຍັງເຮັດໃຫ້ຂາງາມຂຶ້ນ.
