WHO ປະກາດສ້າງຕັ້ງກອງທຶນ ຊ່ວຍເຫລືອສາທາລະນະສຸກໂລກ
ທ່ານ ເຕໂດຣສ ອັດຮານົມ ເກເບຣຢູຊຸສ ຜູ້ອຳນວຍການໃຫຍ່ອົງການອະນາໄມໂລກ ຫລື WHO ກ່າວໃນກອງປະຊຸມຖະແຫລງຂ່າວກ່ຽວກັບສະພາບການແຜ່ລະບາດຂອງພະຍາດໂຄວິດ-19 ວ່າ: ຈະສ້າງຕັ້ງກອງທຶນ WHO.
ກອງທຶນຈະເປັນອົງກອນອິດສະຫລະ ເພື່ອສົ່ງເສີມໃຫ້ເອກະຊົນ, ຜູ້ບໍລິຈາກຕົ້ນຕໍ ແລະ ບໍລິສັດໃຫ້ບໍລິຈາກເງິນແກ່ WHO, ເປັນການເປີດກວ້າງຂອບເຂດການບໍລິຈາກໃຫ້ WHO ເພື່ອໃຫ້ WHO ມີແຫລ່ງທຶນທີ່ຍືນຍົງ ແລະ ຄາດຄະເນໄດ້. ກອງທຶນ WHO ຈະໃຫ້ການສະໜັບສະໜູນດ້ານເງິນແກ່ WHO ແລະ ຄູ່ຮ່ວມມືທີ່ໄວ້ໃຈໄດ້ຂອງ WHO ເພື່ອແກ້ໄຂສິ່ງທ້າທາຍດ້ານສາທາລະນະສຸກຂອງໂລກ, ຕອບສະໜອງຕາມຄວາມຕ້ອງການດ້ານສາທາລະນະສຸກຂອງທົ່ວໂລກ ທັງບັນລຸເປົ້າໝາຍ “1 ຕື້ ເພື່ອ 3 ດ້ານ” ໃນແຜນຍຸດທະສາດ 5 ປີຂອງ WHO ລວມທັງການປ້ອງກັນບໍ່ໃຫ້ 1 ຕື້ ໄດ້ຖືກຜົນກະທົບຈາກເຫດການສາທາລະນະສຸກທີ່ເກີດຂຶ້ນຢ່າງກະທັນຫັນ, ໃຫ້ພົນລະເມືອງ 1 ຕື້ຄົນມີສຸຂະພາບແຂງແຮງ ແລະ ຮັບປະກັນໃຫ້ 1 ຕື້ຄົນມີຊີວິດການເປັນຢູ່ທີ່ດີ ເມື່ອຮອດປີ 2023.
