ຫວຽດນາມ ໄຟຂຽວ ‘ວີຊາເອເລັກໂຕຣນິກ’ ໃຫ້ນັກທ່ອງທ່ຽວຈາກ 80 ປະເທດ ມີຜົນກໍລະກົດນີ້
ສຳນັກຂ່າວ VNA ລາຍງານວ່າ: ລັດຖະບານຫວຽດນາມມີມະຕິອະນຸມັດໃຫ້ນັກທ່ອງທ່ຽວຈາກ 80 ປະເທດ ແລະ ພາກພື້ນ ສາມາດເດີນທາງເຂົ້າຫວຽດນາມໄດ້ໂດຍໃຊ້ວີຊາເອເລັກໂຕຣນິກ (E-visa).
ມະຕິດັ່ງກ່າວ ເຊິ່ງຈະມີຜົນບັງຄັບໃຊ້ໃນວັນທີ 1 ກໍລະກົດນີ້ ເກີດຂຶ້ນຫລັງການປ່ຽນແປງກົດໝາຍດ້ານການເຂົ້າ-ອອກ, ການເດີນທາງຜ່ານ ແລະ ການອາໄສຂອງຊາວຕ່າງປະເທດ ໃນເດືອນພະຈິກ 2019 ເຊິ່ງກຳນົດອອກວີຊາເອເລັກໂຕຣນິກໃຫ້ນັກທ່ອງທ່ຽວຈາກ 80 ປະເທດ ແລະ ພາກພື້ນເຊັ່ນ: ໂອຕຣິດ, ຈີນ, ເຢຍລະມັນ, ຍີ່ປຸ່ນ, ສ.ເກົາຫລີ ແລະ ອາເມລິກາ.
ນັກທ່ອງທ່ຽວສາມາດເດີນທາງເຂົ້າຫວຽດນາມດ້ວຍວີຊາເອເລັກໂຕຣນິກຜ່ານທາງປະຕູຊາຍແດນ ແລະ ສະໜາມບິນ 37 ແຫ່ງຂອງປະເທດ ເຊິ່ງລວມທັງສະໜາມບິນ Noi Bai Airport ໃນນະຄອນຫລວງຮ່າໂນ້ຍ ແລະ ສະໜາມບິນ Tan Son Nhat Airport ໃນນະຄອນໂຮ່ຈີມິນ.
ທັງນີ້ ວີຊາເອເລັກໂຕຣນິກມີອາຍຸການໃຊ້ 30 ວັນ ໂດຍມີຄ່າທຳນຽມໃນການຍື່ນຂໍ 25 ໂດລາສະຫະລັດ.
