ດ່ວນ!ສານລົ້ມລະລາຍຮັບຄຳຮ້ອງຟື້ນຟູ “ການບິນໄທ” ແລ້ວ

ດ່ວນ!ສານລົ້ມລະລາຍຮັບຟື້ນຟູ “ການບິນໄທ” ແລ້ວ ແລະ ໄດ້ຢຸດການຊຳລະໜີ້ (automatic stay) ທັນທີ, ພ້ອມນັດໄຕ່ສວນໃນ ວັນທີ 17 ສິງຫາ ທີ່ຈະມາເຖິງນີ້, ຫາກເຈົ້າໜີ້ຄັດຄ້ານຍື່ນນັດການໄຕ່ສວນກ່ອນບໍ່ໜ້ອຍກວ່າ 3 ມື້.

ແຫລງຂ່າວຕ່າງປະເທດລາຍງານໃຫ້ຮູ້ວ່າ: ໃນວັນທີ 27 ພຶດສະພານີ້, ສານລົ້ມລະລາຍແຈ້ງວັດທະນະສານ ໄດ້ມີຄຳສັ່ງຄະດີ ຟຟ 10/2563 ໃນຄຳຮ້ອງຂໍຟື້ນຟູ ບໍລິສັດ ການບິນໄທ ຈຳກັດ, ເຊິ່ງເດີນທາງມາຍື່ນຄຳຮ້ອງຂໍເຮັດແຜນຟື້ນຟູກິດຈະການ ເພື່ອເຂົ້າສູ່ຂະບວນການຟື້ນຟູ ບໍລິສັດ ການບິນດັ່ງກ່າວ ຕາມມະຕິລັດຖະມົນຕີ ໃນວັນທີ 26 ພຶດສະພາຜ່ານມາ, ໂດຍແນບເອກະສານທ້າຍຟ້ອງຈຳນວນ 1 ສະບັບ.

ໃນມື້ນີ້ວັນທີ 27 ພຶດສະພາ, ສານພິຈາລະນາແລ້ວມີຄຳສັ່ງຮັບຄຳຮ້ອງຂໍຟື້ນຟູກິດຈະການ ແລະ ນັດໄຕ່ສວນໃນວັນທີ 17 ສິງຫາ ເວລາ 09:00 ໂມງ ແລະ ໃຫ້ປະກາດຄຳສັ່ງຮັບຄຳຮ້ອງຂໍ ແລະ ວັນເວລານັດໄຕ່ສວນໃນໜັງສືພິມລາຍວັນເຜີຍແຜ່ອອກຢ່າງໜ້ອຍ 2 ຄັ້ງຫ່າງກັນບໍ່ເກີນ 7 ມື້, ກັບໃຫ້ສົ່ງສຳເນົາຄຳຮ້ອງຂໍແກ່ເຈົ້າໜ້າທີ່ທັງຫລາຍຕາມບັນຊີລາຍຊື່ ແລະ ແກ່ນາຍທະບຽນຫຸ້ນສ່ວນບໍລິສັດ ຫລື ນາຍທະບຽນນິຕິບຸກຄົນທີ່ກ່ຽວຂ້ອງ ກົມບັງຄັບຄະດີ ແລະ ສົ່ງໃຫ້ແກ່ສຳນັກງານຄະນະກຳມະການກັບຫລັກສັບ ແລະ ຕະຫລາດຫລັກສັບຕາມມາດຕາ 90/9 ແຫ່ງພະລາດຊະບັນຍັດ ພສ 2483 ແລະ ໃຫ້ປະກາດວັນເວລານັດໄຕ່ສວນໂດຍວິທີລົງໂຄສະນາທາງສື່ເທັກໂນໂລຍີສານສົນເທດ, ອີກຊ່ອງທາງໜຶ່ງຫາກເຈົ້າໜີ້ປະສົງຄັດຄ້ານກ່ອນວັນນັດໄຕ່ສວນຄັ້ງທຳອິດບໍ່ໜ້ອຍກວ່າ 3 ມື້, ຖ້າບໍ່ດັ່ງນັ້ນຖືວ່າບໍ່ມີການຄັດຄ້ານ.