ແຂວງສະຫວັນນະເຂດຈະປູກຕົ້ນໄມ້ໃຫ້ໄດ້ 1.500 ເຮັກຕາ ໃນວັນປູກໄມ້ແຫ່ງຊາດ
ຮອງຫົວໜ້າຂະແໜງປ່າໄມ້ແຂວງສະຫວັນນະເຂດ ໃຫ້ຮູ້ວ່າ: ໃນໂອກາດວັນປູກຕົ້ນໄມ້ແຫ່ງຊາດ 1 ມີຖຸນານີ້ ແຂວງຂອງຕົນວາງຄາດໝາຍສູ້ຊົນປູກຕົ້ນໄມ້ໃຫ້ໄດ້ 1.500 ເຮັກຕາ ເພື່ອແນໃສ່ສ້າງແຂວງໃຫ້ເປັນສີຂຽວ ແລະ ຍືນຍົງ ມາຮອດປັດຈຸບັນແຂວງມີຄວາມພ້ອມຫຼາຍດ້ານແລ້ວ ເປັນຕົ້ນວຽກງານເກັບແກ່ນພັນໄມ້ ໃນແຜນການເບື້ອງຕົ້ນທົ່ວແຂວງຈະປະຕິບັດໃຫ້ໄດ້ 1.500 ກິໂລກຼາມ ສາມາດປະຕິບັດຕົວຈິງໄດ້ທັງໝົດ 2.100 ກິໂລ, ວຽກງານກ້າເບ້ຍຕາມແຜນແມ່ນຈະກ້າໃຫ້ໄດ້ 1.500.000 ເບ້ຍ ສາມາດປະຕິບັດໄດ້ 2.015.000 ເບ້ຍ. ສະເພາະຂະແໜງປ່າໄມ້ແມ່ນສາມາດຜະລິດເບ້ຍໄມ້ໄດ້ທັງໝົດ 92.000 ເບ້ຍເພື່ອຮອງຮັບໃຫ້ແກ່ການປູກໄມ້ ແລະ ໄດ້ສຳເລັດການກະກຽມເນີື້ອທີ່ຈະປູກໄມ້ໃນຂອບເຂດທົ່ວແຂວງ ເຊິ່ງໄດ້ກຳນົດເອົາພື້ນທີ່ໃນ 14 ເມືອງ ແລະ ນະຄອນໄກສອນ ພົມວິຫານ ໂດຍເນັ້ນໃສ່ປະເພດໄມ້ປະດັບ, ໄມ້ໃຫ້ຮົ່ມ ແລະ ໄມ້ໃຫ້ໝາກ. ພາກລັດແມ່ນຈະປູກ 105 ເຮັກຕາ, ບໍລິສັດ 1.225 ເຮັກຕາ ແລະ ປະຊາຊົນ 170 ເຮັກຕາ. ນອກຈາກນີ້ ຍັງໄດ້ດຳເນີນການສຳຫຼວດ, ກຳນົດພື້ນທີ່ທີ່ຂາດປ່າ, ປ່າເລົ່າອ່ອນ ຊຶ່ງນອນໃນເຂດປ່າສະຫງວນດົງນາຕາດ ເພື່ອປູກເສີມສ້າງຄວາມອຸດົມສົມບູນໃຫ້ແກ່ເຂດປ່າດົງນາຕາດນຳອີກ.
