ທົ່ວປະເທດມີຜູ້ເສຍຊີວິດຈາກໄຂ້ຍຸງລາຍ 4 ຄົນແລ້ວ

ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກໃຫ້ຮູ້: ໃນໄລຍະນີ້, ບໍ່ພຽງແຕ່ພວກເຮົາຈະສຸມໃສ່ຄວບຄຸມການລະບາດຂອງພະຍາດ COVID-19ເທົ່່່ານັ້ນ,ແຕ່ຍັງຕ້ອງໄດ້ເອົາໃຈໃສ່ ປ້ອງກັນ ແລະ ຄວບຄຸມການລະບາດຂອງພະຍາດຕາມລະດູການ    ຕ່າງໆເຊັ່ນ: ຖອກທ້ອງ, ໄຂ້ຫວັດ, ໝາກແດງ, ມາລາເຣຍ ແລະ ໄຂ້ຍຸງລາຍ, ທັງໄດ້ເປີດຂະບວນການສັກຢາກັນພະຍາດທົ່ວປະເທດ. ຂະນະດຽວກັນ ກໍມີສະພາບການລະບາດຂອງພະຍາດໄຂ້ຍຸງລາຍ,ຊຶ່ງ ມາຮອດວັນທີ 22 ພຶດສະພານີ້, ທົ່ວປະເທດ ມີຜູ້ຕິດເຊື້ອທັງໝົດ 1.337 ຄົນ, ເສຍຊີວິດ 4 ຄົນ ຢູ່ນະຄອນຫຼວງວຽງຈັນ 2 ຄົນ, ຢູ່ແຂວງໄຊຍະບູລີ  ແລະ ຄຳມ່ວນ, ແຂວງລະ 1 ຄົນ, ໃນປີ2019 ຜ່ານມາມີຜູ້ຕິດເຊື້ອທັງໝົດຫລາຍກວ່າ 39,000 ຄົນ, ເສຍຊີວິດ  76 ຄົນ, ຊຶ່ງຖືວ່າປີນີ້ກໍເປັນປີທີ່ມີຄວາມຮ້າຍແຮງເຊັ່ນກັນ. ສະນັ້ນ ຈຶ່ງຂໍເຊີນຊວນປະຊາຊົນບັນດາເຜົ່າຈົ່ງໄດ້ເປັນເຈົ້າການໃນການທຳລາຍແຫຼ່ງເພາະພັນຍຸງລາຍ ແລະ ນຳພາລູກຫຼານໄປສັກຢາກັນພະຍາດ ຕາມຕາຕະລາງສັກຢາໃຫ້ທົ່ວເຖິງ.