ລາວ-ຈີນ ຮ່ວມປະຕິບັດໂຄງການ ທົດລອງແກ້ໄຂຄວາມທຸກຍາກ
ໂຄງການຮ່ວມມືທົດລອງແກ້ໄຂຄວາມທຸກຍາກ ລາວ-ຈີນ ໂດຍການຊ່ວຍເຫຼືອຈາກກະຊວງການຄ້າ ສປ ຈີນ ໃນຂອບການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ ໃນວົງເງິນ 33 ລ້ານກວ່າຢວນ (ປະມານ 40 ຕື້ກີບ) ໃຫ້ສູນຄຸ້ມຄອງໂຄງການຊ່ວຍເຫຼືອຕ່າງປະເທດແກ້ໄຂຄວາມທຸກຍາກ ແຂວງກວາງຊີ ແລະ ຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກຂັ້ນສູນກາງ, ກະຊວງກະສິກຳ ແລະ ປ່າໄມ້ ເປັນຜູ້ຈັດຕັ້ງປະຕິບັດໂຄງການດັ່ງກ່າວຢູ່ບ້ານຊໍ້ ເມືອງສັງທອງ ນະຄອນຫຼວງວຽງຈັນ ແລະ ບ້ານຊຽງລ້ອມ ເມືອງ ແລະ ແຂວງຫຼວງພະບາງ ເຊິ່ງພິທີລົງນາມການຕົກລົງດັ່ງກ່າວໄດ້ມີຂຶ້ນໃນວັນທີ 14 ມິຖຸນານີ້ ທີ່ຫ້ອງການກະຊວງກະສິກຳ ແລະ ປ່າໄມ້ ລະຫວ່າງທ່ານ ຈິດ ທະວີໃສ ຫົວໜ້າຫ້ອງການແຜນການ ແລະ ພົວພັນຕ່າງປະເທດ ຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກ ແລະ ທ່ານ ຫວັງຊິ່ຮຸ້ຍ ທີ່ປຶກສາດ້ານເສດຖະກິດ-ການຄ້າ ສະຖານທູດ ສປ ຈີນ ປະຈຳ ສປປ ລາວ ໂດຍມີທ່ານ ພວງປາຣິສັກ ປຣະວົງວຽງຄຳ ຮອງລັດຖະມົນຕີກະຊວງ ເຂົ້າຮ່ວມເປັນສັກຂີພະຍານນໍາດ້ວຍ.
