ຝຣັ່ງສັ່ງປິດໂຮງຮຽນທັນທີ ຫລັງເດັກນ້ອຍຕິດໂຄວິດ-19
“ຝຣັ່ງ” ສັ່ງປິດໂຮງຮຽນທັນທີ ຫລັງພົບຜູ້ຕິດໂຄວິດ-19 ຢູ່ໂຮງຮຽນອະນຸບານ-ປະຖົມ ຢ່າງໜ້ອຍ 70 ຄົນ ຫລັງເປີດໄດ້ 1 ວັນ.
ສຳນັກຂ່າວຕ່າງປະເທດລາຍງານວ່າ: ລັດຖະບານຝຣັ່ງເປີດເຜີຍໃນວັນທີ 18 ພຶດສະພາວ່າ: ພົບຜູ້ຕິດເຊື້ອໄວຣັສໂຄໂຣນາສາຍພັນໃໝ່ຕົ້ນຕໍໂຄວິດ-19 ຢ່າງໜ້ອຍ 70 ຄົນໃນກຸ່ມເດັກນ້ອຍໂຮງຮຽນອະນຸບານ ແລະ ໂຮງຮຽນປະຖົມຫລາຍແຫ່ງ ນັບແຕ່ວັນທີ 11 ພຶດສະພາ ເຊິ່ງໄດ້ເລີ່ມຫລຸດຜ່ອນມາດຕະການລັອກດາວເປີດສະຖານສຶກສາປະມານ 40.000 ແຫ່ງ ໃຫ້ເດັກນ້ອຍ 1,4 ລ້ານກວ່າຄົນກັບໄປຮຽນຢູ່ໂຮງຮຽນອີກ.
ການພົບຜູ້ຕິດເຊື້ອດັ່ງກ່າວເຮັດໃຫ້ໂຮງຮຽນອະນຸບານ ແລະ ໂຮງຮຽນປະຖົມຫລາຍແຫ່ງຕ້ອງປິດອີກຄັ້ງ, ຂະນະທີ່ນັກຮຽນມັດທະຍົມຕົ້ນປະມານ 150.00 ຄົນກັບໄປຮຽນຢູ່ໂຮງຮຽນແລ້ວໃນວັນທີ 18 ພຶດສະພາ.
ທ່ານ ໝອງ ມິເຊລ ບອງເຄ ລັດຖະມົນຕີກະຊວງສຶກສາທິການຂອງຝຣັ່ງ ກ່າວວ່າ: ເປັນເລື່ອງຫລີກລ່ຽງບໍ່ໄດ້ທີ່ເຫດການແບບນີ້ຈະເກີດຂຶ້ນ, ແຕ່ມັນເກີດເປັນສ່ວນໜ້ອຍ ແລະ ຜູ້ຕິດເຊື້ອສ່ວນຫລາຍຕິດຈາກນອກໂຮງຮຽນ. ເຖິງຢ່າງໃດກໍຕາມ, ລັດຖະມົນຕີກະຊວງສຶກສາທິການຝຣັ່ງ ບໍ່ໄດ້ລະບຸວ່າ: ຜູ້ຕິດເຊື້ອເປັນນ້ອງນັກຮຽນ ຫລື ຄູແຕ່ຢ່າງໃດ.
