ຍິງສາວສອງຄົນຖືກຍິງຕາຍຍ້ອນໄປກັບຜູ້ຊາຍ
ໂດຍ: ລູກເມືອງພວນ
ຍິງສາວສອງຄົນຢູ່ແຂວງ Waziristan ທາງພາກຕາເວັນຕົກຂອງ ປາກິດສະຖານ ຖືກຍິງຕາຍ ເມື່ອເຂົາໄປກັບຊາຍຄົນໜຶ່ງ.
ຍິງສາວສອງຄົນ ອາຍຸ 16 ປີ ແລະ 18 ປີ ຖືກພໍ່ ແລະ ຜູ້ເປັນອ້າຍຍິງຕາຍ. ພາຍຫຼັງຖືກຍິງຕາຍສະມາຊິກໃນຄອບຄົວກໍພ້ອມກັນຝັງເຂົາໄວ້ກັບບ້ານນັ້ນເອງ.
ເຈົ້າໜ້າທີ່ຕຳຫຼວດໄດ້ຈັບກຸມສອງພໍ່ລູກ ດ້ວຍຂໍ້ກ່າວຫາວາງແຜນຂ້າຄົນ. ເຈົ້າໜ້າທີ່ກຳລັງຕິດຕາມຈັບກຸມສະມາຊິກໃນຄອບຄົວອີກສອງຄົນຄາດວ່າມີສ່ວນກ່ຽວຂ້ອງພົວພັນກັບຄະດີດັ່ງກ່າວ.
ຮີດຮອງຢູ່ໃນແຂວງ Waziristan ທີ່ມີຊາຍແດນຕິດຈອດກັບ ອາຟການິສະຖານ ນັ້ນ ແມ່ນມີຄວາມເຄັ່ງຄັດທີ່ສຸດສຳລັບຜູ້ຍິງ. ຫ້າມບໍ່ໃຫ້ມີການເຄື່ອນໄຫວໄປມາກັບຜູ້ຊາຍ ແລະ ບໍ່ໄດ້ອອກຈາກເຮືອນໄປ ຖ້າບໍ່ມີຄົນໃນຄອບຄົວຊຶ່ງເປັນຜູ້ຊາຍໄປນຳ.
ການຂ້າຄົນດ້ວຍເຫດຜົນທີ່ວ່າ “ກຽດສັກສີ” ປາກົດໃຫ້ເຫັນເປັນປະຈຳຢູ່ໃນໝູ່ຊົນເຜົ່າໃນ ປາກິດສະຖານ. ນັກເຄື່ອນໄຫວສັງຄົມໃຫ້ຮູ້ວ່າ ແຕ່ລະປີມີຜູ້ນຍິງໃນປາກິດສະຖານຖືກຂ້າຕາຍເຖິງ 1.000 ຄົນ.
