ເຄັດລັບສຳຫລັບຄົນທ້ອນເງິນບໍ່ໄດ້

ທ່ານໃດກຳລັງປະສົບບັນຫາທ້ອນເງິນບໍ່ໄດ້ຕ້ອງອ່ານທາງນີ້ ເງິນກ່ວາຈະຫາມາໄດ້ແຕ່ລະກີບກໍຖືວ່າຍາກລຳບາກແລ້ວ, ແຕ່ການທ້ອນເງິນທີ່ຫາມາໄດ້ໃຫ້ຢູ່ກັບເຮົາໄປດົນທີ່ສຸດຍິ່ງຍາກກ່ວາ. ສະນັ້ນ ລອງມາເບິ່ງກັນວ່າມີຄຳແນະນຳກ່ຽວກັບວິທີການທ້ອນເງິນແນວໃດແດ່ທີ່ຈະຊ່ວຍທ່ານແກ້ໄຂບັນຫານີ້ໄດ້.

– ເລືອກຝາກເງິນແບບຝາກປະຈຳ ເພື່ອເປັນການບັງຄັບບໍ່ໃຫ້ໃຊ້ຈ່າຍເງິນຫລາຍເກີນໄປ ຈົນບໍ່ເຫລືອເງິນທ້ອນໄວ້ໃຊ້ໃນຍາມສຸກເສີນ.

– ເຮັດບັນຊີລາຍຮັບລາຍຈ່າຍ ເພື່ອໃຫ້ຮູ້ວ່າໃຊ້ຈ່າຍໄປເທົ່າໃດແລ້ວ, ຈ່າຍຄ່າຫຍັງໄປແດ່ໃນແຕ່ລະເດືອນ ແລະ ຄວນຈົດລາຍການທີ່ຈຳເປັນຕ້ອງຊື້ກ່ອນໄປຊື້ ເພາະຈະໄດ້ເປັນຂໍ້ຈຳກັດບໍ່ໃຫ້ຊື້ສິ່ງຂອງທີ່ບໍ່ຈຳເປັນ ແລະ ຍັງໄດ້ສິ່ງຂອງຄົບຖ້ວນຕາມທີ່ຕ້ອງການນຳອີກ.

– ຖ້າຢາກໄດ້ສິ່ງຂອງທ່ີຄິດວ່າບໍ່ຈຳເປັນ ຄວນແບ່ງເງິນປະມານ  10% ຂອງເງິນເດືອນມາເພື່ອທ້ອນສະສົມຈົນຄົບຈຳນວນແລ້ວ ຈຶ່ງຊື້ສິ່ງຂອງສິ່ງນັ້ນ ເພາະຖ້າທຸ້ມເງິນໄປໝົດກ້ອນອາດຈະບໍ່ມີເງິນເຫລືອເພື່ອໃຊ້ຈ່າຍໃນຍາມສຸກເສີນ.

– ຖ້າໄດ້ເງິນພິເສດມາຢ່າຟ້າວເອົາໃສ່ກະເປົ໋າ ເພາະເງິນອາດໝົດໄປໂດຍທີ່ບໍ່ຮູ້ໂຕ ທ່ານຄວນເອົາເງິນນັ້ນໄປລວມໄວ້ກັບພາກສ່ວນເງິນທ້ອນ ແລ້ວຢ່າລືມຈົດລົງໃນບັນຊີລາຍຮັບລາຍຈ່າຍນຳ.