ຈີນປະກາດຍົກເວັ້ນພາສີສິນຄ້ານຳເຂົ້າຈາກສະຫະລັດ 79 ລາຍການເປັນເວລາ 1 ປີ
ກະຊວງການເງິນຈີນໃຫ້ຮູ້ວ່າ: ລາຍຊື້ສິນຄ້າຂອງສະຫະລັດຈຳນວນ 79 ລາຍການທີ່ຈະໄດ້ຮັບການຍົກເວັ້ນພາສານຳເຂົ້າເປັນເວລາ 1 ປີ, ເຊິ່ງລວມມີທັງແຮ່ຫາຍາກນຳອີກ.
ມາດຕະການຍົກເວັ້ນພາສີຮອບທີ 2 ນີ້ ຈະມີຜົນບັງຄັບໃຊ້ນັບແຕ່ວັນທີ 19 ພຶດສະພາ 2020 ໄປຮອດວັນທີ 18 ພຶດສະພາ 2021 ໂດຍຄວາມເຄືອນໄຫວດັ່ງກ່າວມີຂຶ້ນຫລັງຈາກທີ່ຈີນ ແລະ ສະຫະລັດ ໄດ້ລົງນາມໃນຂໍ້ຕົກລົງການຄ້າເຟສທຳອິດເມື່ອເດືອນ ມັງກອນປີນີ້, ເຊິ່ງນັບຕັ້ງແຕ່ນັ້ນມາ ຈີນກໍໄດ້ດໍາເນີນການຍົກເວັ້ນພາສີນຳເຂົ້າສິນຄ້າຈາກສະຫະລັດຫລາຍລາຍການເປັນເວລາ 1 ປີ ເຊັ່ນ: ຊີ້ນໝູ ແລະ ຖົ່ວເຫລືອ.
ພາຍໃຕ້ຂໍ້ຕົກລົງການຄ້າເຟສທຳອິດນີ້ ເຊິ່ງຈີນ ແລະ ສະຫະລັດ ໄດ້ຮ່ວມລົງນາມເມື່ອເດືອນມັງກອນ ທີ່ຜ່ານມານີ້, ຈີນໄດ້ຕົກລົງຈະເພີ່ມຄໍາສັ່ງຊື້ສິນຄ້າ ແລະ ບໍລິການຈາກ ສະຫະລັດໃນໄລຍະ 2 ປີ ຕໍ່ໜ້າອີກຢ່າງນ້ອຍ 2 ແສນລ້ານໂດລາສະຫະລັດ ເຊິ່ງລວມເຖິງສິນຄ້າກະສິກຳ ມູນຄ່າ 3.200 ລ້ານໂດລາ, ໂດຍຄາດວ່າການດຳເນີນການດັ່ງກ່າວຈະຊ່ວຍໃຫ້ສະຫະລັດມີຍອດຂາດທຶນການຄ້າກັບຈີນຫລຸດລົງ.
ຂໍ້ຕົກລົງດັ່ງກ່າວຍັງລະບຸວ່າ: ຈີນໄດ້ໃຫ້ຄໍາໝັ້ນສັນຍາວ່າ ຈະດໍາເນີນການເປີດເສລີພາບບໍລິການດ້ານການເງິນ ຂະນະດຽວກັນກໍຈະມຸ້ງໝັ້ນແກ້ໄຂປະເດັນທີ່ຈີນຖືກກ່າວຫາກ່ຽວກັບການບັງຄັບຖ່າຍໂອນເທັກໂນໂລຊີ ແລະ ການປັນຄ່າເງິນເພື່ອໝູນການສົ່ງອອກ.
