ຄວາມຮັກຂ້າມແດນ ໃນໄລຍະການລະບາດຂອງພະຍາດ ໂຄວິດ-19

ໂດຍ: ລູກເມືອງພວນ

ໃນໄລຍະການລະບາດຂອງພະຍາດ ໂຄວິດ-19, ຊາຍແດນລະຫວ່າງເຢຍລະມັນ ແລະ ສະວິດເຊີແລນ ໄດ້ປິດລົງ ເພື່ອສະກັດກັ້ນພະຍາດໂຄວິດ. ເຖິງຢ່າງໃດກໍຕາມ ສິ່ງເຫຼົ່ານັ້ນບໍ່ສາມາດທີ່ຈະສະກັດກັ້ນຄວາມຮັກສອງຟາກຝັ່ງໄດ້.

Sabrina ເວົ້າວ່າ: “ພວກທ່ານເບິ່ງດູ, ພວກຂ້ອຍໄດ້ແບ່ງເສັ້ນຊາຍແດນໃສ່ຜ້າຫົມຜືນດຽວກັນດ້ວຍເສັ້ນສີດຳ. ຂ້ອຍກຳລັງຢູ່ຟາກຝັ່ງ   Riehen ຊຶ່ງເປັນເຂດທີ່ອຸດົມສົມບູນທີ່ສຸດຂອງ  Basel”.

ເທື່ອນີ້ ເປັນເທື່ອທຳອິດທີ່ສອງຄົນໄດ້ພົບກັນ ພາຍຫຼັງເສັ້ນຊາຍແດນຖືກປິດລົງ ຍ້ອນພະຍາດໂຄວິດ-19 ລະບາດ. ຢູ່ບາງຈຸດຂອງເສັ້ນຊາຍແດນຍັງເປັນຮົ້ວຂັ້ນເທົ່ານັ້ນ, ຊຶ່ງຮົ້ວດັ່ງກ່າວຖືກສ້າງຂຶ້ນໃນສະໄໝສົງຄາມໂລກຄັ້ງທີ 2 ໂດຍສະວິດເຊີແລນ ເພື່ອບໍ່ໃຫ້ ຄົນອົບພະຍົບຊາວ ຢິວ ຫຼື ຝ່າຍກົງກັນຂ້າມເຂົ້າມາພາຍໃນປະເທດຂອງຕົນ. ຈຶ່ງຍັງເຫຼືອໄວ້ເຫັນເສດເຫຼືອເຖິງທຸກວັນນີ້.

ເປັນໜຶ່ງອາທິດແລ້ວທີ່ຄູ່ຮັກຄູ່ນີ້ບໍ່ໄດ້ໃກ້ສິດກັນ ແຕ່ກໍບໍ່ສາມາດຈະຂ້າມໄປມາຫາກັນໄດ້ ຍ້ອນມາດຕະການກັນຫ້າມຕ້ານພະຍາດໂຄວິດຂອງທັງສອງປະເທດ.  Katarina ແລະ Ivo ຈຶ່ງໄດ້ພຽງແຕ່ຢືນຢູ່ສອງຟາກຝັ່ງເບິ່ງກັນ ແລະ ຍື່ນປາກຈູບກັນເທົ່ານັ້ນ.