ຊາວໜຸ່ມລາວ ຂານອາສາບໍລິຈາກເລືອດ ຊ່ວຍເຫລືອສັງຄົມໄລຍະໂຄວິດ-19

ໃນວັນທີ 12 ພຶດສະພານີ້ ສູນກາງຊາວໜຸ່ມ ປະຊາຊົນປະຕິວັດລາວ ຮ່ວມກັບ ສູນ ເລືອດແຫ່ງຊາດ ສ້າງຂະບວນການ ອາສາສະໝັກຊາວໜຸ່ມຕະລຸມບອນບໍລິຈາກເລືອດ ພາຍໃຕ້ຄໍາ ຂວັນ “ເມື່ອໃດຊາດຕ້ອງການ ຊາວໜຸ່ມຂານອາສາ” ເນື່ອງໃນໂອກາດສະເຫລີມສະຫລອງວັນສ້າງຕັ້ງ ຊາວໜຸ່ມປະ ຊາຊົນປະຕິວັດລາວ ຄົບຮອບ 65 ປີ (14/4/1955-14/4/2020) ແລະ ຊ່ວງໄລຍະສຸມໃສ່ຕ້ານພະຍາດໂຄວິດ-19 ໃຫ້ມີປະສິດທິຜົນ,ໂດຍໄດ້ຮັບຄວາມສົນໃຈ ຈາກຊາວ ໜຸ່ມອ້ອມຂ້າງກະຊວງ ເຂົ້າຮ່ວມເປັນຈຳນວນຫລາຍ.
ເລຂາຄະນະບໍລິຫານງານ ສູນກາງຊາວໜຸ່ມ ປະຊາ ຊົນ ປະຕິວັດລາວ ແຈ້ງໃຫ້ຮູ້ວ່າ: ປັດຈຸບັນເຖິງວ່າປະເທດເຮົາກຳລັງພົບກັບການລະບາດ ຂອງພະຍາດໂຄວິດ-19 ແລະ ໄຂ້ເລືອດອອກ ເຮັດໃຫ້ມີຄວາມຕ້ອງການເລືອດ ເປັນຈຳນວນຫລາຍ, ຂະນະດຽວກັນ ກໍເພື່ອເຮັດໃຫ້ການສະໜອງເລືອດບັນລຸຕາມເປົ້າໝາຍ ແລະ ສາມາດຕອບສະໜອງເລືອດໃຫ້ພຽງພໍໂດຍພື້ນ ຖານ, ດັ່ງນັ້ນຊາວໜຸ່ມລາວຈຶ່ງເປັນກ້ອນກຳລັງອັນສຳຄັນ ໃນການປະກອບສ່ວນຊ່ວຍເຫລືອສັງຄົມໃນຄັ້ງນີ້ ດັ່ງຄຳທີ່ວ່າ: “ບ່ອນໃດຍາກຊາວໜຸ່ມບຸກ ບ່ອນໃດທຸກຊາວໜຸ່ມຜ່ານຜ່າ ເມື່ອໃດຊາດຕ້ອງການຊາວໜຸ່ມຂານອາສາ“. ຊຶ່ງ ການບໍລິຈາກເລືອດ ເປັນການປະກອບສ່ວນຊ່ວຍເຫລືອສັງຄົມ ດ້ວຍຄວາມສະໝັກໃຈ ແລະ ສະແດງເຖິງຄວາມມີນ້ຳໃຈຕໍ່ເພື່ອນມະນຸດດ້ວຍກັນ ເພື່ອຊ່ວຍກູ້ເອົາຊີວິດຂອງຄົນເຈັບຜູ້ທີ່ຂາດເລືອດ ແລະ ບາດເຈັບ ທີ່ກໍາລັງຕ້ອງການເລືອດເປັນຈຳນວນບໍ່ຫນ້ອຍ.