ອົງການອະນາໄມໂລກກັງວົນເລື່ອງ ຜູ້ຕິດເຊື້ອໃໝ່ຢູ່ ສ.ເກົຫາລີ ແລະ ຈີນ
ຜູ້ອຳນວຍການອົງການອະນາໄມໂລກ ສະແດງຄວາມກັງວົນກ່ຽວກັບການລະບາດຮອບໃໝ່ ຂອງພະຍາດິດເຊື້ອໄວຣັສໂຄໂຣນາ 2019 ຢູ່ ສ.ເກົາຫລີ ແລະ ຈີນ.
ທັງນີ້ ສ.ເກົາຫລີ ຢືນຢັນວ່າ: ມີກຸ່ມຜູ້ຕິດເຊື້ອໃໝ່ ເຊິ່ງເປັນຜູ້ທີ່ເຄີຍໄປທ່ຽວໄນຄລັບຢູ່ນະຄອນຫລວງເຊອຸນ ວັນທີ 2 ພຶດສະພາ. ຂະນະທີ່ ເມືອງອູ່ຮັ່ນ ໃນປະເທດຈີນ ພົບຜູ້ຕິດເຊື້ອໃໝ່ເຊັ່ນກັນ ໃນວັນທີ 9 ພຶດສະພາ ເຊິ່ງຖືເປັນຄັ້ງທຳອິດໃນໄລຍະເວລາປະມານໜຶ່ງເດືອນ.
ຜູ້ອຳນວຍການອົງການອະນາໄມໂລກ ໄດ້ສະແດງຄວາມກັງວົນກ່ຽວກັບການກັບມາມີຜູ້ຕິດເຊື້ອໃໝ່ໃນປະເທດ ເຊິ່ງກ່ອນໜ້ານີ້ມີຈຳນວນຜູ້ຕິດເຊື້ອໃໝ່ຫລຸດລົງ ໂດຍລະບຸວ່າ: ການສຶກສາທາງເຊຣຸ່ມວິທະຍາໃນຊັ້ນຕົ້ນ ສະທ້ອນໃຫ້ເຫັນວ່າປະຊາກອນທີ່ມີແອນຕິບໍດີຕໍ່ໂຄວິດ-19 ຍັງມີຈຳນວນອ່າວໜ້ອຍ ເຊິ່ງມີຄວາມໝາຍວ່າ: ປະຊາກອນສ່ວນຫລາຍຍັງຕິດເຊື້ອໄວຣັສດັ່ງກ່າວໄດ້ງ່າຍ. ພ້ອມກັນນີ້ ຜູ້ອຳນວຍການອົງການອະນາໄມໂລກ ຍັງໄດ້ເນັ້ນເຖິງຄວາມຈຳເປັນທີ່ຕ້ອງດຳເນີນມາດຕະການທີ່ຄວບຄຸມຕໍ່ໄປ ທັງການກວດຫາຜູ້ຕິດເຊື້ອ, ການແຍກກັກຜູ້ທີ່ຕິດເຊື້ອ ແລະ ການເວັ້ນໄລຍະຫ່າງທາງສັງຄົມ.
