ໂຮງຮຽນມັດທະຍົມໃນນະຄອນຫລວງປັກກິ່ງກັບມາເປີດຮຽນແລ້ວ

ສຳນັກຂ່າວຕ່າງປະເທດລາຍງານວ່າ: ໂຮງຮຽນມັດທະຍົມໃນນະຄອນຫລວງປັກກິ່ງ ຂອງຈີນ ທີ່ປິດໃນຊ່ວງໂຄວິດ-19 ລະບາດ ໄດ້ກັບມາເປີດການຮຽນ-ການສອນແລ້ວ, ເຊິ່ງນັກຮຽນ ມ.ຕົ້ນຫລາຍກວ່າ 82.000 ຄົນ ເລີ່ມໄປໂຮງຮຽນ, ໂດຍມາຂໍ້ກຳນົດຕ້ອງມີຫລັກຖານການກວດສຸຂະພາບ ແລະ ປະຫວັດການເດີນທາງໃນ 14 ມື້ມາກວດເບິ່ງກ່ອນເຂົ້າໂຮງຮຽນ. ນັກຮຽນຫລາຍຄົນບອກເປັນສຽງດຽວກັນວ່າ: ໃນຊ່ວງໂຮງຮຽນປິດຍ້ອນໂຄວິດລະບາດ ຮູ້ສຶກວ່າກົດດັນ ແລະ ດີໃຈທີ່ໂຮງຮຽນໄດ້ກັບມາເປີດ.

ດ້ານຄະນະກຳມະການກະຊວງສາທາລະນະສຸກແຫ່ງຊາດຈີນລະບຸວ່າ: ຈີນບໍ່ມີຜູ້ເສຍຊີວິດຈາກໂຄວິດ-19 ມາເກືອບ 1 ເດືອນແລ້ວ, ສ່ວນຜູ້ຕິດເຊື້ອຍັງປິ່ນປົວຢູ່ພຽງ 141 ຄົນ.