ຊີ້ແຈງກໍລະນີຄົນເຈັບຈິ່ງຢາກໄປປິ່ນປົວພະຍາດຢູ່ປະເທດເພື່ອນບ້ານ

ໃນວັນທີ 10 ພຶດສະພານນນີີ້ີ້, ທ່ານ ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ, ຜູ້ປະຈໍາການຄະນະສະເພາະກິດຕ້ານພະຍາດໂຄວິດ-19  ໄດ້ຊີ້ແຈງ ໃນກໍລະນີຄົນເຈັບທີ່ມີຈຸດປະສົງຢາກໄປປີ່ນປົວສຸຂະພາບຢູ່ປະເທດໄທ ລາຍລະອຽດກໍ່ຂໍໃຫ້ປະສານງານກັບເຈົ້າໜ້າທີ່ປະຈຳດ່ານຜ່ານແດນລະຫ່ວາງສອງປະເທດ ແລະ ໃຫ້ປະຕິບັດຕາມແຈ້ງການຂອງຜູ້ວ່າລາດຊະການ, ຖ້າຢູ່ນະຄອນຫລວງວຽງຈັນກໍຕ້ອງແມ່ນຜູ້ວ່າການຈັງຫວັດຫນອງຄາຍ ທີ່ຈະອະນຸຍາດໃຫ້ຄົນເຈັບທີ່ມີຄວາມຈໍາເປັນໄປຕາມແພດນັດຫມາຍຫລືໄປຮັກສາແບບຕໍ່ເນື່ອງ, ແຕ່ຈະຕ້ອງໄດ້ນັດໝາຍກັບໂຮງໝໍທີ່ຈະໄປປີ່ນປົວກ່ອນ.

ສຳລັບນັກສຶກສາລາວ ຫຼື ຄົນລາວ ທີ່ຈະກັບເຂົ້າມາຈາກຕ່າງປະເທດໃນໄລຍະນີ້ຈະຕ້ອງໄດ້ປະຕິບັດຕາມ ແຈ້ງການສະບັບເລກທີ່ 1342/ຕປທ.ສພກ ລົງວັນທີ່ 7 ພຶດສະພາ 2020 ຂອງຄະນະສະເພາະກິດ ກະຊວງການຕ່າງປະເທດ ແຫ່ງ ສປປ ລາວ ທີ່ໄດ້ລະບຸໄວ້ວ່າ:  ກ່ອນຈະເດີນທາງເຂົ້າມາ ສປປລາວຕ້ອງໄດ້ລົງທະບຽນກັບສະຖານກົງສູນຢູ່ປະເທດທີ່ຕົນອາໄສຢູ່ນັ້ນກ່ອນ, ເວລາເຂົ້າມາຮອດປະເທດລາວ ກໍ່ຈະຕ້ອງໄດ້ປະຕິບັດຕາມມາດຕະການຕ່າງໆເຊັ່ນວ່າ: ການກວດຫາເຊື້ອພະຍາດ ແລະ ການຈຳກັດບໍລິເວນ 14 ວັນຕາມຫລັກການການແພດເສຍກ່ອນ,ດັ່ງທ່ານຮອງລັດຖະມຸນຕີ ພູທອນ ເມືອງປາກໃຫ້ຮູ້ວ່າ: ໃນວັນທີ 9 ພຶດສະພານີ້, ມີ ຜູ້ເດີນທາງເຂົ້າມາ ສປປ ລາວ  2.341 ຄົນ ໃນນັ້ນຜ່ານດ່ານລາວ-ໄທມີ1.367 ຄົນ, ໃນນັ້ນ ມີແຮງງານລາວກັບມາຈາກປະເທດໄທ ຜ່ານດ່ານຊ່ອງເມັກ ແຂວງຈຳປາສັກ 7 ຄົນ, ຜ່ານດ່ານ ຂົວມິິດຕະພາບລາວ-ໄທ ແຫ່ງທີ 1 ມີ 291 ຄົນ, ເຫຼືອນັ້ນ ແມ່ນຜູ້ຂັບລົດຂົນສົ່ງສິນຄ້າ ແລະ ຜ່ານດ່ານລາວ-ຈີນ ມີ 14 ຄົນ ແລະ ດ່ານລາວ-ຫວຽດມີ 883 ຄົນ ທັງໝົດແມ່ນຜູ້ຂັບລົດຂົນສົ່ງສິນຄ້າ. ສ່ວນຜູ້ເດີນທາງຜ່ານສະໜາມບິນສາກົນວັດໄຕ ມີ 77 ຄົນ, ເຊິ່ງແມ່ນກຳມະກອນສ້າງທາງລົດໄຟ ລາວ-ຈີນ. ໃນທຸກດ່ານແມ່ນໄດ້ກວດວັດອຸນຫະພູມຮ່າງກາຍ ແລະ ແຮງງານທັງໝົດໄດ້ເກັບຕົວຢ່າງມາກວດ ແລະ ໄດ້ນໍາສົ່ງໄປຈຳກັດບໍລິເວນຢູ່ສູນທີ່ກໍານົດໄວ້ ຈົນກ່ວາຈະຄົບກຳນົດ 14 ວັນ.