ພິດໂຄວິດ-19 ອາດເພີ່ມອັດຕາ ຂ້າຕົວຕາຍຢູ່ອົດສະຕຣາລີ 50%
ໃນວັນທີ 7 ພຶດສະພາ, ຜູ້ຊ່ຽວຊານຄາດຄະເນວ່າ: ອັດຕາການຂ້າຕົວຕາຍຢູ່ອົດສະຕຣາລີອາດເພີ່ຂຶ້ນເຖິງ 50% ເນື່ອງຈາກຜົນກະທົບທາງເສດຖະກິດ ແລະ ສັງຄົມທີ່ເກີດຈາກໂຄວິດ-19 ສົ່ງຜົນຕໍ່ສຸຂະພາບຈິດຂອງປະຊາຊົນ.
ກຸ່ມຜູ້ຊ່ຽວຊານດ້ານສຸຂະພາບຈິດຂອງອົດສະຕຣາລີອອກຖະແຫລງການຮ່ວມ ເຕືອນວ່າ: ຜົນກະທົບຂອງໂຄວິດ-19 ຕໍ່ເສດຖະກິດ ແລະ ດ້ານອື່ນໆ ອາດສົ່ງຜົນໃຫ້ເກີດການຂ້າຕົວຕາຍເພີ່ມຂຶ້ນ 1.500 ຄົນຕໍ່ປີ ຈາກປັດຈຸບັນທີ່ເພີ່ມຂຶ້ນ 3.000 ຄົນຕໍ່ປີ ຖືເປັນອັດຕາສ່ວນທີ່ເພີ່ມຂຶ້ນເຖິງ 50%.
ປະມານ 30% ຂອງກໍລະນີການຂ້າຕົວຕາຍທີ່ເພີ່ມຂຶ້ນນັ້ນ ເປັນໄວໜຸ່ມອາຍຸລະຫວ່າງ 15-25 ປີ ແລະ ອາດເພີ່ມຈຳນວນຂຶ້ນ ຖ້າເສດຖະກິດຂອງອົດສະຕຣາລີຍັງຫລຸດຖອຍຕໍ່ໄປ.
ອັດຕາການເສຍຊີວິດດັ່ງກ່າວອາດສູງກວ່າຈຳນວນຜູ້ເສຍຊີວິດຈາກໂຄວິດ-19 ໂດຍກົງ ແລະ ອາດຢູ່ໃນສະພາບແບບນີ້ດົນເຖິງ 5 ປີ ຖ້າສະພາບເສດຖະກິດໃນປັດຈຸບັນຕົກຕໍ່າດົນກວ່າ 12 ເດືອນ.
