ຈີນບໍ່ພົບຜູ້ຕິດເຊື້ອໂຄວິດ-19 ຄົນໃໝ່ ທີ່ເກີດຈາກພາຍໃນປະເທດ
May 7, 2020 - 2:37 PM
ຄະນະກຳມະການສຸຂະພາບແຫ່ງຊາດຂອງຈີນ (NHC) ຖະແຫລງໃນວັນທີ 6 ພຶດສະພາວ່າ: ຈີນບໍ່ພົບຜູ້ຕິດເຊື້ອໄວຣັສໂຄວິດ-19 ຄົນໃໝ່ທີ່ເກີດຈາກການຕິດເຊື້ອພາຍໃນປະເທດ.
ເຖິງຢ່າງໃດກໍດີ, ຈີນມີຜູ້ຕິດເຊື້ອໃໝ່ 2 ຄົນ ແຍກເປັນ 1 ຄົນຢູ່ຊຽງໄຮ້ ແລະ ອີກ 1 ຄົນຢູ່ມົນທົນກວາງຕຸ້ງ ເຊິ່ງເປັນການຕິດເຊື້ອທີ່ມາຈາກຕ່າງປະເທດ.
ສຳນັກຂ່າວຊິນຮົວລາຍງານວ່າ: ຈີນມີຈຳນວນລວມຜູ້ຕິດເຊື້ອໂຄວິດ-19 ທັງໝົດ 82.885 ຄົນ ແລະ ຈຳນວນລວມຜູ້ເສຍຊີວິດມີ 4.633 ຄົນ, ສ່ວນຈຳນວນຜູ້ທີ່ໄດ້ຮັບອະນຸຍາດໃຫ້ອອກຈາກໂຮງໝໍເນື່ອງຈາກຫາຍດີແລ້ວມີ 77.957 ຄົນ.
