10 ວິທີສ້າງທັກສະໃຫ້ລູກ

ເດັກ ແລະ ເຍົາວະຊົນ ຖືເປັນອະນາຄົດຂອງສັງຄົມ ແລະ ປະເທດຊາດ ເພື່ອກຽມພ້ອມໃຫ້ພວກເຂົາເຕີບໃຫຍ່ໄດ້ຢ່າງສົມບູນທັງຮ່າງກາຍ ແລະ ຈິດໃຈ, ການຝຶກທັກສະຕ່າງໆທີ່ຈຳເປັນ ແລະ ມີຄວາມສຳຄັນຕໍ່ຊີວິດ ຈຶ່ງເປັນເລື່ອງທີ່ພໍ່ແມ່ຄວນຝຶກລູກຕັ້ງແຕ່ຍັງນ້ອຍ ເຊິ່ງເຮັດໄດ້ໂດຍວິທີເຫລົ່ານີ້ :

1. ການຝຶກໃຫ້ເດັກພ້ອມຜະເຊີນໜ້າກັບຊີວິດ : ເປັນສິ່ງທີ່ພໍ່ແມ່ຄວນລົງມືສ້າງ ແລະ ແນະນຳໃຫ້ເດັກ.
2. ສອນມາລະຍາດການເຂົ້າສັງຄົມ : ຄຳຂໍໂທດ, ຂອບໃຈ, ທັກທາຍ, ມີຫາງສຽງ, ຮູ້ຈັກຄວາມເປັນສຸພາບບຸລູດ, ສຸພາບສະຕີ ສິ່ງເຫລົ່ານີ້ເປັນພື້ນຖານເລີ່ມຕົ້ນງ່າຍໆທີ່ຈະເຮັດໃຫ້ຢູ່ໃນສັງຄົມໄດ້ເປັນຢ່າງດີ.
3. ສອນລູກໃຫ້ເຮັດວຽກ : ຄວາມຮັບຜິດຊອບເລັກໆນ້ອຍໆ ເຊັ່ນ : ວຽກເຮືອນ, ສອນໃຫ້ຮູ້ຄຸນຄ່າຂອງວຽກ, ການບໍ່ປ່ອຍເວລາໃຫ້ໄຮ້ປະໂຫຍດ, ເຮັດຕົນເອງໃຫ້ເກີດ
4. ຄຸນຄ່າ, ເພິ່ງພາຕົນເອງໄດ້.
5. ຄິດກ່ອນເຮັດ : ເຮັດໃຫ້ເກີດການຢຸດຄິດທຸກເທື່ອທີ່ຈະຕັດສິນໃຈເຮັດຫຍັງ ແລະ ຊີ້ໃຫ້ເຫັນເຖິງຜົນການກະທຳຂອງສິ່ງທີ່ເລືອກເຮັດ, ບໍ່ວ່າຈະດີ ຫລື ບໍ່ດີກໍຕາມ ເພື່ອເປັນບົດຮຽນກັບຕົນເອງ.
6. ມີຄວາມຮັບຜິດຊອບ : ບໍ່ວ່າຈະໄດ້ຮັບມອບໝາຍເລື່ອງຫຍັງກໍຕາມ ເຊັ່ນ : ການຮຽນ ກໍຕ້ອງມີຄວາມຮັບຜິດຊອບ, ໝັ່ນຫາຄວາມຮູ້ເພີ່ມຕື່ມຢູ່ສະເໝີ.
7. ເລືອກກິນໃຫ້ເປັນ : ບໍ່ແມ່ນແຕ່ກິນສິ່ງທີ່ມັກ, ແຕ່ສິ່ງທີ່ບໍ່ມັກກໍຕ້ອງກິນນຳ ໂດຍສະເພາະເມື່ອສິ່ງນັ້ນມີປະໂຫຍດ, ຮູ້ຈັກຄຸນຄ່າຂອງອາຫານ, ກິນໃຫ້ຄົບ 5 ໝວດ ແລະ ບໍ່ກິນຫລາຍຈົນເກີນພໍດີ ເຊັ່ນ : ຫວານຫລາຍ, ມັນຫລາຍ, ເຄັມຫລາຍ.
8. ວາງແຜນການເງິນ : ຮູ້ຈັກລາຍຮັບ ແລະ ລາຍຈ່າຍຂອງຕົນເອງ, ທ້ອນເງິນໃຫ້ເປັນນິໄສ, ຮູ້ຈັກຄວບຄຸມການໃຊ້ເງິນຂອງຕົນເອງ, ບໍ່ຟູມເຟືອຍ, ຮູ້ວິທີຫາເງິນຫລາຍກ່ວາການໃຊ້ເງິນ ພ້ອມກັບຄວາມປະຢັດມັດທະຍັດ.
9. ຮູ້ຈັກດູແລຈິດໃຈ : ເຮັດຊີວິດໃຫ້ສົນຊື່ນ, ມີຄວາມສຸກ, ຮູ້ວິທີຄາຍຄຽດ, ມີເມດຕາ, ຮູ້ຫົນທາງຂອງການຜ່ອນຄາຍ, ປ່ອຍວາງ, ຊື່ນຊົມຍິນດີ ແລະ ໃຫ້ກຳລັງໃຈຕົນເອງເປັນ.
10. ຮູ້ຈັກຮັກສຸຂະພາບ ແລະສິ່ງແວດລ້ອມ : ອອກກຳລັງກາຍເປັນນິໄສ, ມີໂມງທີ່ມັກ, ນອກເໜືອຈາກເຮັດໃຫ້ຮ່າງກາຍໃຫ້ແຂງແຮງ ກິລາຍັງເຮັດໃຫ້ຈິດໃຈແຂງແຮງ, ຮູ້ຈັກເສຍຮູ້ຈັກຊະນະ ການອາໄສຢູ່ໃນສິ່ງແວດລ້ອມທີ່ເປັນມົນລະພິດ ທ້າຍສຸດກໍສົ່ງຜົນເຖິງທຸກຄົນ ຕ້ອງເລີ່ມຈາກຕົນເອງ ບໍ່ສ້າງມົນລະພິດ ເຊັ່ນ : ແຍກຂີ້ເຫຍື້ອ, ບໍ່ຖິ້ມ, ບໍ່ທຳລາຍ ເທົ່ານີ້ກໍຖືວ່າຊ່ວຍໄດ້ຫລາຍແລ້ວ.