ເອຊີ ມິລານ ຄວ້າ ຊິລວາ ມາຮ່ວມທີມແລ້ວ

 ສະໂມສອນ ເອຊີ ມິລານ ປະກາດຄວ້າໂຕ ອັນເດຣ ຊິລວາ ກອງໜ້າດາວຮຸ່ງຂອງທີມຊາດ ໂປຣຕຸເກສ ມາຈາກ ເອຟຊີ ປໍໂຕ ເປັນທີ່ຮຽບຮ້ອຍແລ້ວ ໃນວັນຈັນ ທີ 12 ມິຖຸນາຜ່ານມາ.
ສຳລັບເລື່ອງຄ່າໂຕນັ້ນ ຕາມລາຍງານລະບຸວ່າ ຢູ່ປະ ມານ 35 ລ້ານເອີໂຣ ໂດຍ ຊິລວາ ເຮັດຜົນງານໄດ້ຢ່າງດີເດັ່ນໃນລະດູການ 2016-17 ຜ່ານມາ ດ້ວຍການຍິງໄປ 21 ປະຕູ ຈາກ ການລົງຫຼິ້ນໃຫ້ ປໍໂຕ ທຸກລາຍ ການ 41 ນັດ.
ທັງນີ້ ຊິລວາ ຖືເປັນການ ເສີມທີມຄົນທີ 4 ຂອງ ເອຊີ ມິ ລານ ໃນໄລຍະລະດູການນີ້ ຕໍ່ ຈາກ ມາເຕໂອ ມູຊັກຄິໂອ ກອງ ຫຼັງທີມຊາດອາເຈນຕິນາ, ຟຣອງ ເຄຊີຊ ກອງກາງທີມຊາດໄອວໍ ຣີໂຄສ ແລະ ຣິຄາໂດ ໂຣດຣິເກດ ກອງຫຼັງ ທີມຊາດສະວິດເຊີແລນ.