ປີນີ້ ຫວຽດນາມ ມີຮູບການສອບເສັງເຂົ້າມະຫາວິທະຍາໄລແບບໃໝ່ ໂດຍເອົາຄະແນນສອບເສັງຈົບຊັ້ນ ມ7 ແທນເລີຍ
ໂດຍ:ລູກເມືອງພວນ
ປີນີ້ ເນື່ອງຈາກວ່າມີຄວາມຫຍຸ້ງຍາກດ້ານການຮໍ່າຮຽນ ໃນທ່າມກາງການລະບາດຂອງພະຍາດ ໂຄວິດ. ມີຫຼາຍມະຫາວິທະຍາໄລຂອງຫວຽດນາມ ຈະປັບປ່ຽນຮູບການສອບເສັງເຂົ້າມະຫາວິທະຍສໄລ ໂດຍເອົາຄະແນນເສັງຈົບຊັ້ນ ມ7 ເປັນຄະແນນແທນເຂົ້າມະຫາວິທະຍາໄລເລີຍເຊັ່ນ: ມະຫາວິທະຍາໄລເສດຖະກິດ-ເຕັກນິກອຸດສາຫະກຳ, ຊຶ່ງມີ 4.888 ທຶນ, ໃນ 16 ສາຂາວິຊາຮຽນ, ມະຫາວິທະຍາໄລ ປ່າໄມ້, ມີ 2.060 ທຶນ, ມະຫາວິທະຍາໄລ ເທັກໂນໂລຢີການຄົມມະນາຄົມ, ມີ 2.300 ທຶນ. ນອກຈາກນີ້ຍັງມີມະຫາວິທະຍາໄລຈຳນວນໜຶ່ງຈະອີງໃສ່ຜົນການສອບເສັງຈົບຊັ້ນ ມ7 ແລະ ທັງອີງໃສ່ປື້ມຕິດຕາມການຮຽນ ເມື່ອຄະແນນພຽງພໍກໍເຂົ້າມະຫາວິທະຍາໄລໄດ້ເລີຍ, ເຊັ່ນ: ມະຫາວິທະຍາໄລການຄ້າ, ມະຫາວິທະຍາໄລຊັບພະຍາກອນທຳມະຊາດ ແລະ ສິ່ງແວດລ້ອມ, ມະຫາວິທະຍາໄລວັດທະນະທຳ…
ສ່ວນມະຫາວິທະຍາໄລ ຊັບພະວິຊາ ຮ່າໂນ້ຍ ຈະຈັດຕັ້ງການສອບເສັງສະເພາະເພື່ອໃຫ້ໄດ້ຕົວເລກ 70%. ສ່ວນມະຫາວິທະຍາໄລຈຳນວນໜຶ່ງເຊັ່ນ: ມະຫາວິທະຍາໄລແຫ່ງຊາດ ຮ່າໂນ້ຍ, ມະຫາວິທະຍາໄລແຫ່ງຊາດ ນະຄອນ ໂຮ່ຈິມິນ ຈະຈັດຕັ້ງສອບເສັງທົດສອບເອົາຄວາມສາມາດ ເພື່ອຕີລາຄາເປັນຄະແນນເຂົ້າມະຫາວິທະຍາໄລຂອງຕົນ.
