ຖືກເຈົ້າໜ້າທີ່ຕຳຫຼວດສອບຖາມ ຍ້ອນເມຍໜຸ່ມເກີນໄປ

Eddie ຜູ້ເປັນຜົວ ແລະ ເມຍຊື່ Tory ສະຫະລັດອາເມລິກາ, ກຳລັງຂີ່ລົດໄປຕາມທາງ, ບັງເອີນເຫັນເຈົ້າໜ້າທີ່ຕຳຫຼວດໄລ່ນຳ ແລະ ຫຸ້ມລ້ອມ ເພາະສົງໄສວ່າເດັກນ້ອຍຖືກ “ລັກພາຕົວ”.

ເຈົ້າໜ້າທີ່ຮຽກຮ້ອງໃຫ້ Eddie Smith ອາຍຸ 49 ປີ ລົງຈາກລົດ. ເຈົ້າໜ້າທີ່ເວົ້າວ່າ: “ຈົ່ງໃຫ້ພວກເຮົາຊາບວ່າ ພວກເຈົ້າທັງສອງມີສາຍພົວພັນແນວໃດນຳກັນ ? ”

ນາງ  Tory ຜູ້ເປັນເມຍ ອາຍູ 22 ປີຕອບວ່າ: “Eddie ແມ່ນຜົວຂອງຂ້ອຍ”, “ມີຫຍັງບໍ?”

ໃຫ້ສຳພາດຕໍ່ໂທລະພາບ, ວັນທີ 30 ເມສາຜ່ານມາ, ຜູ້ເປັນເມຍໜ້າເດັກໆ ນັ້ນ ໃຫ້ຮູ້ວ່າ: “ຂ້ອຍບໍ່ເຊື່ອເລີຍວ່າ ມີຜູ້ສົງໄສວ່າຜົວຂອງຂ້ອຍນັ້ນເປັນຜູ້ “ລັກພາຕົວເດັກນ້ອຍ”. ເມື່ອຂ້ອຍເອົາບັດປະຈຳຕົວໃຫ້ເບິ່ງ ເຈົ້າໜ້ທີ່ກໍພ້ອມກັນຫົວ ຂຶ້ນ”.

Eddie ມັກຈະໃຫ້ເມຍໄປການນຳເປັນປະຈຳ ເພາະເອົາໃຈເມຍ. ມີມື້ໜຶ່ງໃນຂະນະທີ່ກຳລັງຢືນລໍຖ້າລົດຂອງຜົວຢູ່ຫ້ອງການ, Tory ໄດ້ເຂົ້າໄປຫ້ອງນໍ້າ , ມີເພື່ອນຮ່ວມງານຄົນໜຶ່ງ Addie ພົບເຫັນ ນາງສາວໜ້າມົນແມວ, ວາດຫົວຍັງເປັນເດັກຢູ່ ກໍຄິດວ່າແມ່ນເດັກອາຍຸ 13 ປີ ກຳລັງຖືກພາຕົວເຊັ່ນດຽວກັນ.

ກ່ອນໜ້ານັ້ນ, ຜົວເມຍຄູ່ນີ້ກໍຖືກເປັນຂ່າວເປັນຄາວ, ສັງຄົມສົງໄສວ່າ ມີສາຍພົວພັນຊູ້ສາວ ລະຫວ່າງ “ພໍ່ລ້ຽງກັບລູກລ້ຽງ”.

ຜູ້ເປັນເມຍກ່າວວ່າ: ກໍເປັນການຍາກທີ່ຈະອະທິບາຍໃຫ້ທຸກຄົນເຂົ້າໃຈວ່າ ເປັນຫຍັງຕົນເອງຈິ່ງເອົາຜູ້ຊາຍອາຍຸແກ່ແບບນີ້. ແຕ່ວ່າ ໃນຊີວິດນີ້ ຂ້ອຍບໍ່ເຫັນໃຜເລີຍຈະໃຈດີຄືຜົວຂອງຂ້ອຍ. “ພວກຂ້ອຍແມ່ນຄູ່ບຸນວາດສະໜາຂອງກັນ ແລະ ກັນ”.

Tory ຢືນຢັນວ່າ: ເຂົາຈະຕັດສາຍສຳພັນກັບຄົນທີ່ສົງໄສວ່າຂ້ອຍພົວພັນກັບ Eddie ໃນທຳນອງອື່ນ. “ຄວາມສົງໄສນັ້ນ ແມ່ນຜິດພາດ ແລະ ມັນເປັນການແຕະຕ້ອງກຽດສັກສີຜົວເມຍພວກຂ້ອຍ”