ຮ່າໂນ້ຍ ຍົກເລີກດ່ານກວດກາຄົນເຂົ້າ-ອອກເມືອງ 30 ຈຸດ
ໂດຍ: ລູກເມືອງພວນ
ຕອນບ່າຍວັນທີ 29 ເມສາ, ເຈົ້າໜ້າທີ່ກ່ຽວຂ້ອງຫຼາຍຂະແໜງການໃນນະຄອນຫຼວງ ຮ່າໂນ້ຍ ໄດ້ຍົກເລີກດ່ານກວດກາຄົນເຂົ້າ-ອອກເມືອງ ໄດ້ 30 ຈຸດ. ຊຶ່ງຜູ້ຄົນເດີນທາງໄປມາ ຈະບໍ່ໄດ້ກວດວັດແທກອຸນຫະພູມ ແລະ ແຈ້ງປະຫວັດທາງການແພດຕື່ມອີກ.
ແຕ່ລະດ່ານກວດກາຄົນເຂົ້າອອກເມືອງຈະລວມມີເຈົ້າໜ້າທີ່ຂະແໜງການກ່ຽວຂ້ອງ 9 ຂະແໜງການເຊັ່ນ: ເຈົ້າໜ້າທີ່ຈະລາຈອນ, ຕຳຫຼວດເຄື່ອນທີ່, ເຈົ້າໜ້າທີ່ຕຳຫຼວດທ້ອງຖິ່ນ, ກວດກາຄົມມະນາຄົມ ແລະ ພະນັກງານການແພດ…
ຄໍ່າຄຶນວັນທີ 1 ເມສາ ເລີ່ມຈັດຕັ້ງປະຕິບັດຄຳສັ່ງເລກທີ 16 ຂອງລັດຖະບານກ່ຽວກັບການປະຕິບັດໄລຍະຫ່າງທາງສັງຄົມນັ້ນ, ຮ່າໂນ້ຍໄດ້ຕັ້ງດ່ານກວດກາຄົນເຂົ້າ-ອອກເມືອງເຖິງ 30 ຈຸດ. ໂດຍອີງຕາມສະຖິຕິຂອງເຈົ້າໜ້າທີ່ຕຳຫຼວດນະຄອນຫຼວງ ຮ່າໂນ້ຍໃຫ້ຮູ້ວ່າ: ພາຍຫຼັງ 29 ວັນ ປະຕິບັດໄລຍະຫ່າງທາງສັງຄົມ, ບັນດາຈຸດກວດກາດັ່ງກ່າວສາມາດກວດກາຄົນເຂົ້າ-ອອກເມືອງເພື່ອກວດວັດແທກອຸນຫະພູມໂຄວິດ-19 ໄດ້ທັງໝົດ ປະມານ 2 ລ້ານກວ່າຄົນ ສາມາດເຮັດໃຫ້ສັງຄົມມີຄວາມສະຫງົບປອດໄພດີ.
ມາເຖິງປັດຈຸບັນຫວຽດນາມມີຜູ້ຕິດເຊື້ອທັງໝົດ 270 ກໍລະນີ, ໃນນັ້ນ 221 ຄົນໄດ້ຮັບການປິ່ນປົວດີ, ບໍ່ມີຜູ້ເສຍຊີວິດ. ສະເພາະນະຄອນຫຼວງ ຮ່າໂນ້ຍມີຜູ້ຕິດເຊື້ອ 112 ຄົນ, ໃນນັ້ນ 82 ຄົນ ປິ່ນປົວດີ.
