ພັດທະນາ ຍ້າຍໄປສະໂມສອນ ກາລະສິນ ເອຟຊີ ທີມຈາດໄທລີກ 3 ປະເທດໄທ ແລ້ວ
ອິງຕາມເພສເຟສບຸກຂອງ ສະຫະພັນບານເຕະແຫ່ງຊາດ ລາວ ວ່າ: ພັດທະນາ ພົມມະເທບ ກອງກາງໄວ 18 ປີ ຍ້າຍຈາກ ສະໂມສອນ ນະຄອນຫລວງ ຢູ ໄນເຕັດ ເຂົ້າຮ່ວມ ສະໂມສອນ ກາລະສິນ ເອັຟຊີ(KalasinFC) ທີມຈາກໄທລີກ 3 ປະເທດໄທ.
ສຳລັບ ພັດທະນາ ແມ່ນເປັນ ລູກຫລານຊາວແຂວງສະຫວັນ ນະເຂດ ໂດຍກຳເນີດເຄີຍຫລິ້ນ ໃຫ້ກັບ ສະໂມສອນເອສະຣາ , ສະໂມສອນ ລ້ານຊ້າງ ຢູໄນເຕັດ ແລະ ສະໂມສອນ ນະຄອນ ຫລວງ ຢູໄນເຕັດ, ສ່ວນຜົນງານ ໃນລະດັບທີມຊາດ ແມ່ນເຄີຍຕິດ ທີມຊາດໃນ ຮຸ່ນອາຍຸ 14 ປີ, 16 ປີ, 19 ປີ ນອກຈາກນັ້ນ ພັດ ທະນາ ຍັງມີຊື່ຄັດເລືອກທີມຊາດ ລາວ ຮຸ່ນອາຍຸ 23 ປີ ເພື່ອເຂົ້າ ການແຂ່ງຂັນບານເຕະຊີງແຊ໊ມ ອາຊີ ຮຸ່ນອາຍຸ 23 ປີ ຮອບຄັດ ເລືອກທີ່ ສປປ ເກົາຫລີ ແລະ ງານ ມະຫະກຳກິລາຊີເກມຄັ້ງ 29 ທີ່ ປະເທດມາເລເຊຍ .
ພັດທະນາ ຖືວ່າເປັນນັກເຕະ ລາວ ຄົນທີ 9 ທີ່ຫລິ້ນໃນລີກປະ ເທດໄທ ເຊິ່ງມີນັກເຕະລາວທີ່ເຄີຍ ຫລິ້ນລີກປະເທດໄທ ມີ : ລຳເນົາ ສິງໂຕ , ກັນລະຍາ ສີສົມຫວັງ , ຄຳແພງ ໄຊຍະວຸດ , ສຸກອາ ພອນ ວົງຈຽງຄຳ, ເກດສະດາ ສຸກສະຫວັນ, ແລມໂບ້ ໄຊຊະ ນະ,ໂສພາ ໄຊຊະນະ, ມະໂນລົມ ພົມສຸວັນ ແລະ ທານິນ ພັນທະວົງ.
