ປກສກຸ່ມ 1 ຈອມມະນີ ຈັບຜູ້ສົ່ງຢາບ້າລາຍຍ່ອຍ 1ຄົນ ພ້ອມຂອງກາງ

ເວລາ 23:30 ໂມງ ຂອງວັນທີ 28 ເມສານີ້, ປກສ ກຸ່ມ 1 ຈອມມະນີ ໄດ້ສົມທົບກັບ ປກສ ບ້ານ ໂພນພະເນົາ ເມືອງໄຊເສດຖາ ອອກລາດຕະເວນຕາມຖະໜົນໄກສອນ ພົມວິຫານໃນບໍລິເວນໂຮງແຮມອ່າງຄຳ ພົບເຫັນເປົ້າໝາຍສົງໃສ, ຂັບຂີ່ລົດຈັກສີຂຽວ ຫມາຍເລກທະບຽນ ດຫ 0208 ຈິ່ງໄດ້ ຂໍເຂົ້າກວດກາຄົ້ນເຫັນຢາບ້າ 20 ເມັດຊຸກເຊື່ອງໄວ້ໃນຕົວ ທ້າວ ຂັວນໄຊ ຫຼືວ່າ ເລ້, ອາຍຸ 33 ປີ, ອາຊີບກໍາມະກອນ, ບ້ານສົມສະໜຸກ ເມືອງຫາດຊາຍຟອງ,ຜູ້ຕ້ອງສົງໃສດັ່ງກ່າວ , ພ້ອມໂທລະສັບ 2 ໜ່ວຍ, ເຈົ້າໜ້າທີ່ ຈຶ່ງໄດ້ກັກຕົວຜູ້ກ່ຽວພ້ອມຂອງກາງ ແລະ ລົດຈັກ ສົ່ງໃຫ້ກອງຄະດີ ປກສ ເມືອງໄຊເສດຖາ ສືບຕໍ່ສືບສວນ-ສອບສວນດຳເນີນຄະດີຕາມລະບຽບກົດໝາຍ.